Malayalam 
യൂറോകപ്പ് പ്രീ ക്വാര്‍ട്ടറിന് ഇന്ന് തുടക്കം ; പോരാട്ടത്തിനൊരുങ്ങി ജര്‍മ്മനിയും ഡെന്‍മാര്‍ക്കും
ബെര്‍ലിന്‍: യൂറോകപ്പ് പ്രീ ക്വാര്‍ട്ടര്‍ പോരാട്ടം ഇന്ന് തുടങ്ങും. ആതിഥേയരായ ജര്‍മ്മനിയും ഡെന്‍മാര്‍ക്കും തമ്മിലാണ് പ്രീ ക്വാര്‍ട്ടറിലെ ആദ്യ മത്സരം. ഗ്രൂപ്പ് ഘട്ടത്തില്‍ ഒരു കളിപോലും പരാജയപ്പെടാത്ത രണ്ടു ടീമുകള്‍ ഏറ്റുമുട്ടുന്നു എന്ന പ്രത്യേകതയും ഈ പോരാട്ടത്തിനുണ്ട്. സ്‌കോട്‌ലന്‍ഡിനെയും ഹംഗറിയെയും വീഴ്ത്തുകയും സ്വിറ്റ്‌സര്‍ലന്‍ഡുമായി സമനില പിടിക്കുകയും ചെയ്താണ് ഗ്രൂപ്പ് എ ചാമ്പ്യന്മാരായ ജര്‍മ്മനി എത്തുന്നത്. എന്നാല്‍, ഗ്രൂപ്പ് സിയില്‍ സ്ലൊവേനിയ, ഇംഗ്ലണ്ട്, സെര്‍ബിയ ടീമുകള്‍ക്കെതിരായ എല്ലാ കളികും സമനില പിടിച്ചാണ് ഡെന്മാര്ക്ക് യോഗ്യത നേടിയത്.
Also Read ; പരീക്ഷാവിവാദങ്ങള്‍ക്കിടെ യു.ജി.സി നെറ്റിന്റെ പുതിയ തീയതി പ്രഖ്യാപിച്ച് എന്‍.ടി.എ
2020ലെ യൂറോയില്‍ പ്രീ ക്വാര്‍ട്ടറില്‍ ഇംഗ്ലണ്ടിന് മുന്നില്‍ വീണായിരുന്നു ജര്‍മനിയുടെ മടക്കം. 2014 ലോകകപ്പ് കിരീടം നേടിയ ശേഷം പ്രധാന കിരീടങ്ങളൊന്നും നേടാനാവാത്ത ജര്‍മ്മനിക്ക് ഇത്തവണ കിരീടത്തില്‍ കുറഞ്ഞതൊന്നും ലക്ഷ്യത്തിലില്ല. മികച്ച താരനിരയുണ്ടായിട്ടും 2016 യൂറോക്ക് ശേഷം മുന്‍നിര ടൂര്‍ണമെന്റുകളിലൊന്നിലും നോക്കൗട്ട് ജയിക്കാന്‍ ജര്‍മ്മനിക്കായിട്ടില്ല. അതേ സമയം കഴിഞ്ഞ യൂറോയിലെ സെമിഫൈനലിസ്റ്റുകളാണ് ഡെന്മാര്ക്ക്. അന്ന് ഒന്നിനെതിരെ രണ്ട് ഗോളുകള്‍ക്കാണ് ഇംഗ്ലണ്ടിനെതിരെ സെമി ഫൈനലില്‍ ഡെന്മാര്ക്ക് തോറ്റത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
ലെവര്‍കൂസന്‍ താരം ജൊനാഥന്‍ ടാഹിന് കളി വിലക്കും അന്റോണിയോ റൂഡിഗര്‍ക്ക് പരിക്കും വില്ലനായി നില്‍ക്കുന്നതാണ് ജര്‍മ്മന്‍ നിരയിലെ വെല്ലുവിളി. ഡെന്മാര്ക്ക് നിരയില്‍ മിഡ്ഫീല്‍ഡര്‍ മോര്‍ട്ടന്‍ ഹജല്‍മന്‍ഡ് രണ്ട് മഞ്ഞ കാര്‍ഡുവാങ്ങി പ്രീ ക്വാര്‍ട്ടറില്‍ നിന്നും പുറത്തായത് ഡെന്‍മാര്‍ക്കിനും ക്ഷീണമാണ്.
