Malayalam 
മൊറോക്കന്‍ മുന്നേറ്റ താരം നോഹ സദൗയി കേരളാ ബ്ലാസ്‌റ്റേഴ്‌സില്‍
കൊച്ചി: മൊറോക്കന്‍ മുന്നേറ്റ താരം നോഹ സദൗയിയെ കേരളാ ബ്ലാസ്‌റ്റേഴ്‌സിലെത്തിച്ചു. രണ്ട് വര്‍ഷത്തേക്കാണ് നോഹയുമായുള്ള കരാര്‍.
ഇന്ത്യന്‍ സൂപ്പര്‍ ലീഗില്‍ എഫ് സി ഗോവയുടെ താരമായിരുന്നു നോഹ. 30കാരനായ താരം ഇന്ത്യന്‍ സൂപ്പര്‍ ലീഗില്‍ 54 മത്സരങ്ങളില്‍ കളിച്ചിട്ടുണ്ട്. രണ്ട് സീസണുകളിലായി 29 ഗോളുകളും 16 അസിസ്റ്റുകളും താരം സംഭാവന ചെയ്തു.
Also Read ; ആകാശച്ചുഴിയില്‍പ്പെട്ട് എയര്‍ യൂറോപ്പ വിമാനം ; യാത്രക്കാരന് പറന്ന് ലഗ്ഗേജ് ബോക്‌സിലെത്തി
2021-ലാണ് നോഹ മൊറോക്കയുടെ ദേശീയ ടീമില്‍ അരങ്ങേറ്റം കുറിച്ചത്. രാജ്യത്തിനായി നാല് മത്സരങ്ങളിലാണ് താരം കളിച്ചിട്ടുള്ളത്. 2020ല്‍ ആഫ്രിക്കന്‍ നേഷന്‍സ് ചാമ്പ്യന്‍ഷിപ്പിന്റെ സെമി ഫൈനല്‍, ഫൈനല്‍ മത്സരങ്ങളില്‍ രാജ്യത്തെ പ്രതിനിധീകരിച്ചു. 2020ല്‍ ആഫ്രിക്കന്‍ നേഷന്‍സ് കപ്പ് നേടിയ മൊറോക്ക ടീമില്‍ നോഹ അംഗമായിരുന്നു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
നോഹയുടെ വരവ് ക്ലബിനെ കൂടുതല്‍ ശക്തിപ്പെടുത്തുമെന്നാണ് കേരളാ ബ്ലാസ്റ്റേഴ്‌സ് അധികൃതര്‍ പ്രതികരിച്ചത്. ബ്ലാസ്റ്റേഴ്‌സിനൊപ്പം കളിക്കാനുള്ള താരത്തിന്റെ ആഗ്രഹത്തെ അഭിനന്ദിക്കുന്നതായും ക്ലബ് അധികൃതര്‍ വ്യക്തമാക്കി. മഞ്ഞപ്പടയ്‌ക്കൊപ്പം ചേരുന്നതില്‍ ഏറെ ആവേശത്തിലാണെന്ന് നോഹയും പ്രതികരിച്ചു. ആവേശകരമായ യാത്രയുടെ ഭാഗമാകാന്‍ താന്‍ കാത്തിരിക്കുകയാണെന്നും നോഹ സദൗയി വ്യക്തമാക്കി.
