ലഖ്‌നൗ: ഉത്തര്‍പ്രദേശിലെ ഫിറോസാബാദില്‍ 22 കാരി കൊല്ലപ്പെട്ട സംഭവത്തില്‍ ആണ്‍സുഹൃത്ത് അറസ്റ്റില്‍. രാജ എന്ന യുവാവാണ് സംഭവത്തില്‍ അറസ്റ്റിലായത്. കൊല്ലപ്പെട്ട പെണ്‍കുട്ടി കഴിഞ്ഞ കുറച്ചു നാളുകളായി ബോണ്ട്‌സിയിലുള്ള സുഹൃത്തിന്റെ വീട്ടിലായിരുന്നു താമസം. പെണ്‍കുട്ടിയും ആണ്‍സുഹൃത്തുമായി കുറെ നാളായി പ്രണയത്തിലായിരുന്നെന്നും എന്നാല്‍ അടുത്തിടെ പെണ്‍കുട്ടിക്ക് മറ്റൊരാളുമായി അടുപ്പമുണ്ടെന്ന് ഇയാള്‍ സംശയിച്ചിരുന്നെന്നും ഇതാണ് കൊലപാതകത്തിലേക്കെത്തിച്ചതെന്നുമാണ് പോലീസ് പറയുന്നത്.

Also Read ; ഒരു മാസമായി അര്‍ജുന്‍ കാണാമറയത്ത്; ലോറിയുടെ കയര്‍ കിട്ടിയ സ്ഥലത്ത് തിരച്ചില്‍ തുടരും

ഗുര്‍ഗാവിലെ ഗംറോജ് ടോള്‍ പ്ലാസയ്ക്കരികിലായുള്ള ഒഴിഞ്ഞ സ്ഥലത്ത് നിന്നാണ് യുവതിയുടെ മൃതദേഹം കണ്ടെത്തിയത്. പെണ്‍കുട്ടിയുടെ മൃതദേഹം പരിശോധിച്ചപ്പോള്‍ ഇടത് കൈയില്‍ ‘R’ എന്ന അക്ഷരം ടാറ്റൂ ചെയ്തിരുന്നതായി കണ്ടെത്തിയിരുന്നു തുടര്‍ന്ന് നടത്തിയ അന്വേഷണമാണ് പോലീസിനെ പ്രതിയിലേക്കെത്തിച്ചത്.

Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..

കഴിഞ്ഞ ശനിയാഴ്ച രാത്രിയില്‍ ആരോടും പറയാതെ പുറത്ത് പോയ പെണ്‍കുട്ടിയെ കാണാനില്ലെന്ന് അറിയിച്ച് മകളുടെ സുഹൃത്ത് വിളിച്ചിരുന്നു. ഉടന്‍ തന്നെ പോലീസില്‍ പരാതി നല്‍കി. എന്നാല്‍ അന്വേഷണത്തിനിടെ തിങ്കളാഴ്ച കുട്ടിയുടെ മൃതദേഹമാണ് കണ്ടെത്തിയതെന്ന് പെണ്‍കുട്ടിയുടെ മാതാവ് പറഞ്ഞു. മാതാവിന്റെ പരാതിയില്‍ പോലീസ് കേസ് രജിസ്റ്റര്‍ ചെയ്തിട്ടുണ്ട്.