Malayalam 
വയനാട് വന്യജീവി സങ്കേതത്തില്‍ ആദിവാസി കുടിലുകള്‍ പൊളിച്ചു; പ്രതിഷേധവുമായി കുടുംബങ്ങള്‍
വയനാട് : വയനാട് വന്യജീവി സങ്കേതത്തില്‍ ആദിവാസി കുടിലുകള്‍ പൊളിച്ചു നീക്കിയ സംഭവത്തില്‍ പ്രതിഷേധവുമായി കുടുംബങ്ങള്‍. തോല്‍പ്പെട്ടി റേഞ്ചിലെ ബേഗൂരിലെ കുടിലുകള്‍ ഞായറാഴ്ചയാണ് വനംവകുപ്പ് പൊളിച്ച് നീക്കിയത്. റോഡരികില്‍ പുതിയ കുടിലുകള്‍ നിര്‍മിച്ച് നല്‍കാമെന്ന ഉറപ്പിന്‍മേലാണ് കുടിലുകള്‍ പൊളിച്ച് മാറ്റിയത്. സംഭവത്തില്‍ വനംവകുപ്പ് വ്യക്തമായ പ്രതികരണം നടത്തിയിട്ടില്ല.
Also Read ; ഇ.പി ജയരാജന്റെ ആത്മകഥ വിവാദം; രവി ഡി സിയുടെ മൊഴി രേഖപ്പെടുത്തി
കുടിലുകള്‍ പൊളിച്ചതോടെ തങ്ങള്‍ പട്ടിണിയിലാണെന്നും പാകംചെയ്തുകൊണ്ടിരിക്കുന്ന ഭക്ഷണം പോലും മറിച്ച് കളഞ്ഞാണ് തങ്ങളുടെ പാര്‍പ്പിടം തകര്‍ത്തതെന്നും പ്രദേശവാസികള്‍ പറയുന്നു. പാചകം ചെയ്യാനുള്ള സൗകര്യങ്ങളില്ലാത്തതിനാല്‍ പട്ടിണിയിലാണെന്നും പ്രദേശവാസികള്‍ മാധ്യമങ്ങളില്‍ പ്രതികരിച്ചു.
ഇവിടെ താമസിക്കുന്നവര്‍ക്ക മറ്റൊരിടത്ത് ഭൂമിയുണ്ടെങ്കിലും അവിടെ പഞ്ചായത്ത് അനുവദിച്ച വീടുകളുടെ നിര്‍മാണം കരാറുകാര്‍ പാതിവഴിയില്‍ ഉപേക്ഷിച്ചത് പോയതോടെ അവിടെ താമസം സാധ്യമായില്ല. എല്ലാവരും വന്യജീവി സങ്കേതത്തിലെ താത്കാലിക ഷെഡ്ഡില്‍ കഴിയുന്നില്ല. മൂന്ന് കുടുംബങ്ങള്‍ മാത്രമാണുള്ളത്. ഇവര്‍ക്ക് പകരം സംവിധാനം ഒരുക്കുന്നതിന്റെ ഭാഗമായിട്ടാണ് വനംവകുപ്പിന്റെ നടപടി.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
