Malayalam 
റിജിത്ത് വധക്കേസ്; 9 ആര്എസ്എസ് പ്രവര്ത്തകര്ക്ക് ജീവപര്യന്തം
കൊച്ചി: കണ്ണപുരത്തെ ഡിഐഎഫ്ഐ പ്രവര്ത്തകന് റിജിത്ത് വധക്കേസിലെ പ്രതികള്ക്ക് ജീവപര്യന്തം തടവ് ശിക്ഷ വിധിച്ചു. കുറ്റക്കാരാണെന്ന് കോടതി വിധിച്ച ഒമ്പത് ആര്എസ്എസ് പ്രവര്ത്തകര്ക്കും ജീവപര്യന്തം വിധിക്കുകയായിരുന്നു. ഇതുകൂടാതെ പ്രതികള് ഒരു ലക്ഷം രൂപ വീതം പിഴയും അടക്കണം. 19 വര്ഷം മുന്പ് നടന്ന കൊലപാതകത്തില് 10 പ്രതികളായിരുന്നു ഉണ്ടായിരുന്നത്. ഇതില് ഒരാള് വിചാരണ വേളയില് മരണപ്പെട്ടു. ഇയാള് ഉള്പ്പെടെ 10 പ്രതികളെയാണ് കോടതി കുറ്റക്കാരെന്ന് കണ്ടെത്തിയത്.
Also Read; പുഷ്പ 2 പ്രീമിയര് ഷോയ്ക്കിടെയുണ്ടായ അപകടം; പരുക്കേറ്റ ശ്രീതേജിനെ കണ്ട് അല്ലു അര്ജുന്
ആര്എസ്എസ് പ്രവര്ത്തകരായ ചുണ്ടയില് വയക്കോടന് വീട്ടില് വി വി സുധാകരന്, കെ ടി ജയേഷ്, സി പി രഞ്ജിത്ത്, പി പി അജീന്ദ്രന്, ഐ വി അനില്, കെ ടി അജേഷ്, വി വി ശ്രീകാന്ത്, വി വി ശ്രീജിത്ത്, പി പി രാജേഷ്, ടി വി ഭാസ്കരന് എന്നിവരാണ് കേസില് കുറ്റക്കാരെന്ന് കണ്ടെത്തിയത്.
2005 ഒക്ടോബര് മൂന്നിന് രാത്രി ഒമ്പത് മണിയോടെ ചുണ്ട തച്ചന്ക്കണ്ടി ക്ഷേത്രത്തിനടുത്ത് വെച്ച് റിജിത്തിനെ മാരകായുധങ്ങളുമായി പ്രതികള് ആക്രമിക്കുകയായിരുന്നു. സൃഹുത്തുക്കള്ക്കൊപ്പം പോകുമ്പോഴാണ് റിജിത്ത് കൊലപ്പെടുന്നത്. അന്ന് 26 വയസ്സായിരുന്നു റിജിത്തിന്റെ പ്രായം. കൂടെയുണ്ടായിരുന്ന ഡിവൈഎഫ്ഐ പ്രവര്ത്തകരായ കെ വി നികേഷ്, ചിറയില് വികാസ്, കെ വിമല് തുടങ്ങിയവര്ക്ക് വെട്ടേറ്റിരുന്നു.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
