Malayalam 
പെരിയ ഇരട്ടക്കൊല ; നാല് സിപിഎം പ്രവര്ത്തകര് പുറത്തിറങ്ങി,രക്തഹാരം അണിയിച്ച് സ്വീകരിച്ച് പ്രവര്ത്തകര്
കാസര്കോട്: പെരിയ ഇരട്ടക്കൊലക്കേസില് പ്രതികളായ കെ വി കുഞ്ഞിരാമനടക്കമുള്ള നാല് സിപിഎം നേതാക്കളും പുറത്തിറങ്ങി.കേസില് കഴിഞ്ഞ ദിവസം ഹൈക്കോടതി ഇവരുടെ ശിക്ഷ സ്റ്റേ ചെയ്തിരുന്നു ഇതിന് പിന്നാലെയാണ് ഇവര് പുറത്തിറങ്ങിയത്. കണ്ണൂര് സെന്ട്രല് ജയിലിലാണ് പ്രതികള് ഉണ്ടായിരുന്നത്.
സിപിഐഎം ജില്ലാ സെക്രട്ടറിയേറ്റംഗവും ഉദുമ മുന് എംഎല്എയുമായ കെവി കുഞ്ഞിരാമന്, സിപിഐഎം ഏരിയാ സെക്രട്ടറി കെ മണികണ്ഠന്, രാഘവന് വെളുത്തേരി, എം കെ ഭാസ്കരന് എന്നിവരാണ് പുറത്തിറങ്ങിയത്. കാസര്കോട് ജില്ലാ സെക്രട്ടറി എം വി ബാലകൃഷ്ണന് അടക്കമുള്ള നിരവധി പ്രവര്ത്തകര് ഇവരെ ജയിലിന് പുറത്ത് രക്തഹാരം അണിയിച്ച് സ്വീകരിച്ചു. പി ജയരാജനും എം വി ജയരാജനും ഒപ്പമുണ്ടായിരുന്നു. എന്നാല് കാഞ്ഞങ്ങാട് ടൗണില് ഇവര്ക്ക് നല്കാനിരുന്ന പൊതു സ്വീകരണം സിപിഐഎം ഒഴിവാക്കിയിട്ടുണ്ട്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
