Malayalam 
കേരള സര്ക്കാര് നവകേരളം എന്ന ലക്ഷ്യത്തിലേക്ക്, വയനാട് ടൗണ്ഷിപ്പ് ഒരു വര്ഷത്തിനകം: നയം പ്രഖ്യാപിച്ച് ഗവര്ണര് രാജന്ദ്ര അര്ലെക്കര്
തിരുവനന്തപുരം: കേരള സര്ക്കാര് നവകേരളം എന്ന ലക്ഷ്യത്തിലേക്ക് മുന്നേറുകയാണെന്ന് ഗവര്ണര് രാജന്ദ്ര വിശ്വനാഥ് അര്ലെക്കര്. പതിനഞ്ചാം കേരള നിയമസഭയുടെ പതിമൂന്നാം സമ്മേളനത്തിന് തുടക്കം കുറിച്ചുകൊണ്ടാണ് പുതിയ ഗവര്ണര് അര്ലെക്കറുടെ ആദ്യ നയപ്രഖ്യാപന പ്രസംഗം ആരംഭിച്ചത്. പ്രസംഗത്തിനായി നിയമസഭയിലെത്തിയ ഗവര്ണറെ ഗാര്ഡ് ഓഫ് ഓണര് നല്കിയാണ് സ്വീകരിച്ചത്.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
മലയാളത്തില് നമസ്കാരം എന്ന് പറഞ്ഞുകൊണ്ട് പ്രസംഗം ആരംഭിച്ച ഗവര്ണര് അടിസ്ഥാന സൗകര്യ വികസനത്തിന് സര്ക്കാര് മുന്ഗണന നല്കുന്നുണ്ടെന്നും ജനങ്ങള്ക്ക് നല്കിയ വാഗ്ദാനങ്ങള് പാലിച്ചുവരുന്നുവെന്നും പറഞ്ഞു. ദാരിദ്ര നിര്മ്മാര്ജ്ജനത്തിനു മുന്ഗണന നല്കുന്നുണ്ടെന്നും എല്ലാവര്ക്കും പാര്പ്പിടം ഉറപ്പാക്കാന് നടപടി പുരോഗമിക്കുകയാണെന്നും 64006 അതി ദാരിദ്രരെ കണ്ടെത്തിയെന്നും അവരുടെ പ്രശ്നം പരിഹരിക്കാന് നടപടി തുടങ്ങിയെന്നും ഗവര്ണര് പറഞ്ഞു.
സമീപ കാലത്തു നിരവധി ദുരന്തങ്ങളാണ് കേരളം നേരിട്ടത്. വയനാട്ടില് ഉരുള്പൊട്ടല് ദുരന്തവും ഉണ്ടായി. വയനാട് പുനരധിവാസത്തിന് സര്ക്കാര് പ്രതിജ്ഞാബദ്ധമാണ്. വയനാട് ടൗണ്ഷിപ്പ് ഒരു വര്ഷത്തിനകം നടപ്പാക്കും. കാലാവസ്ഥാ വ്യതിയാനത്തിന് കേന്ദ്രസഹകരണത്തോടെ പദ്ധതി നടപ്പാക്കുമെന്നും ഗവര്ണര് പറഞ്ഞു.
