Malayalam 
പാലക്കാട് കാര്‍ അപകടം: എല്‍സിയും മകള്‍ അലീനയും കണ്ണുതുറന്നു, അമ്മയുടെ അന്ത്യ ചുംബനം കാത്ത് ആല്‍ഫിനും എമിയും
കൊച്ചി: പാലക്കാട് പൊല്‍പുള്ളിയില്‍ കാറിനു തീ പിടിച്ച് പൊള്ളലേറ്റ അമ്മയും മകളും മരുന്നുകളോട് പ്രതികരിക്കുന്നതായി ആശുപത്രി അധികൃതര്‍ വിശദമാക്കി. ഇരുവരും കണ്ണു തുറന്നു. എല്‍സി മാര്ട്ടിന്, മകള്‍ അലീന എന്നിവരാണ് ചികിത്സയില്‍ ഉള്ളത്. എല്‍സി മാര്ട്ടിന് 45 ശതമാനം പൊള്ളലും അലീനക്ക് 35 ശതമാനം പൊള്ളലുമാണ് സംഭവച്ചിട്ടുള്ളത്. എല്‍സിയുടെ മകന് ആല്‍ഫിന്‍, മകള്‍ എമി എന്നിവര്‍ പൊള്ളലേറ്റ് ചികിത്സയില്‍ കഴിയവെ മരിച്ചിരുന്നു. ഇവരുടെ മൃതദേഹങ്ങള്‍ പാലക്കാട്ടെ സ്വകാര്യ ആശുപത്രിയിലെ മോര്‍ച്ചറിയില്‍ സൂക്ഷിച്ചിരിക്കുകയാണ്.
Also Read; വി ടി ബല്‍റാം-സി വി ബാലചന്ദ്രന്‍ തര്‍ക്കം അനാവശ്യം; നേതൃത്വത്തിന് കടുത്ത അതൃപ്തി
എല്‍സിക്കു ബോധം വന്നതിന് ശേഷമായിരിക്കും സംസ്‌കാരച്ചടങ്ങുകള്‍ എന്ന് ബന്ധുക്കള്‍ പ്രതികരിച്ചിരുന്നു. അപകടത്തില്‍ കുട്ടികളുടെ മുത്തശ്ശി ഡെയ്‌സിക്കും പൊള്ളലേറ്റിരുന്നു. അപകടത്തില്‍ ഗുരുതരമായി പൊള്ളലേറ്റ എമിലും ആല്‍ഫ്രഡും ശനിയാഴ്ച ഉച്ചയോടെയാണ് കൊച്ചിയിലെ സ്വകാര്യ ആശുപത്രിയില്‍ മരിച്ചത്. പോസ്റ്റ്‌മോര്‍ട്ടത്തിനായി ശനിയാഴ്ച രാത്രി 12 മണിയോടെയാണ് മൃതദേഹങ്ങള്‍ പാലക്കാട് ജില്ലാ ആശുപത്രിയില്‍ എത്തിച്ചത്.
Join with metro post: വാര്‍ത്തകള്‍ വേഗത്തിലറിയാന്‍ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ…
വെള്ളിയാഴ്ച വൈകിട്ട് 5 മണിയോടെയാണു പൊല്‍പുളളിയെ നടുക്കിയ അപകടമുണ്ടായത്. സ്വകാര്യ ആശുപത്രിയിലെ നഴ്‌സായ എല്‍സി ജോലി കഴിഞ്ഞു വീട്ടിലെത്തിയ ശേഷം മക്കളുമായി പുറത്തിറങ്ങാനായി കാറില്‍ കയറി വാഹനം സ്റ്റാര്‍ട്ട് ചെയ്തപ്പോള്‍ തീ പിടിക്കുകയായിരുന്നു. കരച്ചില്‍ കേട്ടെത്തിയ നാട്ടുകാരാണ് രക്ഷാപ്രവര്‍ത്തനം നടത്തിയത്. എല്‍സിയുടെ ഭര്‍ത്താവ് മാര്ട്ടിന് ഒന്നര മാസം മുന്‍പാണ് അസുഖബാധിതനായി മരിച്ചത്.