Malayalam 
നിമിഷപ്രിയയുടെ വധശിക്ഷ മരവിപ്പിച്ചു
സനാ: നിമിഷപ്രിയയുടെ വധശിക്ഷ മരവിപ്പിച്ചു. ഇത് സംബന്ധിച്ച ഉത്തരവ് ഇന്ന് രാത്രിയോടെ പുറത്തിറങ്ങും. ആക്ഷന് കൗണ്സിലാണ് തീരുമാനം സ്ഥിരീകരിച്ചത്. കൊല്ലപ്പെട്ട തലാല് അബ്ദു മഹ്ദിയുടെ കുടുംബവുമായും ഗോത്ര നേതാക്കളുമായും നടത്തിയ ചര്ച്ചയിലാണ് തീരുമാനം ഉണ്ടായത്. വധശിക്ഷ മരവിപ്പിച്ചതിന് പിന്നാലെ നിമിഷപ്രിയയുടെ മോചനത്തിനായി ഇടപെടല് നടത്തുന്ന ആക്ഷന് കൗണ്സില് കാന്തപുരം എ പി അബൂബക്കര് മുസ്ലിയാര്ക്ക് നന്ദി അറിയിച്ചു. ദയാധനത്തിന്റെ കാര്യത്തില് തീരുമാനം ആയിട്ടില്ലെന്നാണ് വിവരം.
Also Read; എന്സിപിയില് പ്രതിസന്ധി; കേരളത്തിലെ എംഎല്എമാര് രാജിവെക്കണമെന്ന് പ്രഫുല് പട്ടേല്
കാന്തപുരം എ പി അബൂബക്കര് മുസ്ലിയാരുടെ ഇടപെടലിനെ തുടര്ന്നാണ് നിമിഷപ്രിയയെ മോചിപ്പിക്കാനുള്ള അനൗദ്യോഗിക ചര്ച്ചകള്ക്ക് തുടക്കം കുറിച്ചത്. യമനിലെ പ്രമുഖ സൂഫി ഗുരുവായ ഷൈഖ് ഹബീബ് ഉമര് ബിന് ഹബീദുല് വിഷയത്തില് ഇടപെട്ടതോടെയാണ് നിമിഷപ്രിയയുടെ വധശിക്ഷ ഒഴിവാക്കുന്നതിനുള്ള അനൗദ്യോഗിക ചര്ച്ചകള് കഴിഞ്ഞ ദിവസം യമനില് ആരംഭിച്ചത്. ഗോത്ര നേതാക്കളും, തലാലിന്റെ ബന്ധുക്കളും, നിയമസമിതി അംഗങ്ങളും, കുടുംബാംഗങ്ങളും ചര്ച്ചകളില് പങ്കാളികളായിരുന്നു. ഹബീബ് അബ്ദുള് റഹ്മാന് മഹ്ഷൂസിന്റെ നേതൃത്വത്തിലുള്ള ഷൈഖ് ഹബീബ് ഉമര് ബിന് ഹബീദുല്ലിന്റെ ഉന്നതതല സംഘം തലാലിന്റെ ജന്മനാടായ ഉത്തര യമനിലെ ദമാറിലാണ് ചര്ച്ചകള്ക്ക് നേതൃത്വം നല്കിയത്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ഉത്തരയമനിലെ ഗോത്രവിഭാഗങ്ങള്ക്കിടയില് വൈകാരികത ആളിക്കത്തിയ വിഷയമായിരുന്നു തലാലിന്റെ കൊലപാതകം. ഈയൊരു സാഹചര്യത്തില് തലാലിന്റെ കുടുംബവുമായി സംസാരിക്കാന് കഴിയാത്ത സാഹചര്യം തന്നെയുണ്ടായിരുന്നു. എന്നാല് കാന്തപുരത്തിന്റെ ഇടപെടലോടെയാണ് കുടുംബവുമായി സംസാരിക്കാന് സാധിച്ചത്.
