Malayalam 
മഹാരാഷ്ട്രയില് വര്ഗീയ സംഘര്ഷം; മത-വിശ്വാസത്തെ തകര്ക്കാന് ആര്ക്കും അവകാശമില്ലെന്ന് ഫഡ്നാവിസ്
മുംബൈ: മഹാരാഷ്ട്രയില് സമൂഹ മാധ്യമത്തിലെ പ്രകോപനപരമായ പോസ്റ്റിനെ ചൊല്ലി വര്ഗീയ സംഘര്ഷം. ദൗണ്ടിലെ യാവത് ഗ്രാമത്തിലാണ് സംഭവം. ആക്ഷേപകരമായ ഒരു വാട്സാപ്പ് പോസ്റ്റിനെ ചൊല്ലിയുണ്ടായ തര്ക്കമാണ് ആക്രമണത്തിന് വഴിയൊരുക്കിയത്. ജനങ്ങള് ചേരിതിരിഞ്ഞ് ആക്രമണം നടത്തുകയും വാഹനങ്ങള്ക്ക് തീയിട്ട ആക്രമികള് കടകള് അടിച്ചുതകര്ക്കുകയും
ചെയ്തു.
Also Read; കലാഭവന് നവാസിന്റെ മരണം; അസ്വാഭാവിക മരണത്തിന് പോലീസ് കേസെടുത്തു
പ്രദേശത്തെ സ്ഥിരത്താമസക്കാരനല്ലാത്ത യുവാവാണ് പ്രകോപനപരാമയ പോസ്റ്റിനു പിന്നില്. യുവാവിനെ കസ്റ്റഡിയിലെടുത്ത് കൂടുതല് അന്വേഷണം നടത്തുകയാണെന്ന് പൊലീസ് പറഞ്ഞു. സംഘര്ഷ സാഹചര്യം കണക്കിലെടുത്ത് ആളുകള് കൂട്ടം കൂടുന്നത് തടയുന്നതിനും സമാധാനം നിലനിര്ത്തുന്നതിനുമായി യാവത് ഗ്രാമത്തില് 48 മണിക്കൂര് നിരോധനാജ്ഞ പ്രഖ്യാപിച്ചിട്ടുണ്ട്.
സംഘര്ഷത്തില് ആളപായം ഉണ്ടായിട്ടില്ലെന്നാണ് റിപ്പോര്ട്ട്. ചിലര് മനപൂര്വം സമാധാനം തകര്ക്കാന് ശ്രമിക്കുകയാണെന്നും ഏതെങ്കിലും മതത്തെയോ വിശ്വാസത്തെയോ അപമാനിക്കാന് ആര്ക്കും അവകാശമില്ലെന്നും മുഖ്യമന്ത്രി ദേവേന്ദ്ര ഫഡ്നവിസ് പറഞ്ഞു.
