ലിസ്ബണ്‍: ഇന്ത്യന്‍ സൂപ്പര്‍ ലീഗില്‍ മുംബൈ സിറ്റിയുടെ മുന്‍പരിശീലകന്‍ യോര്‍ഗെ കോസ്റ്റ (53) അന്തരിച്ചു. പോര്‍ച്ചുഗല്‍ ക്ലബ് പോര്‍ട്ടോയുടെ ഇതിഹാസ താരം കൂടിയാണ് യോര്‍ഗെ കോസ്റ്റ.

Also Read: ഉത്തരകാശിയിലെ മിന്നല്‍ പ്രളയം; രക്ഷാദൗത്യം അതീവ ദുഷ്‌കരം

ഹൃദയസ്തംഭനത്തെ തുടര്‍ന്നായിരുന്നു അന്ത്യം. 2018-19 സീസണിലാണ് കോസ്റ്റ മുംബൈ സിറ്റിയെ പരിശീലിപ്പിച്ചത്. 39 കളിയില്‍ ടീമിനെ ഇറക്കിയതില്‍ 17 ജയവും എട്ടുസമനിലയും നേടി. 14 മത്സരങ്ങളില്‍ തോറ്റു. കരിയറില്‍ 16 ക്ലബ്ബുകളെ പരിശീലിപ്പിച്ചിട്ടുണ്ട്. ചാമ്പ്യന്‍സ് ലീഗും യുവേഫ കപ്പും ഇന്റര്‍ കോണ്ടിനെന്റല്‍ കപ്പും നേടി. എട്ടുതവണ പോര്‍ച്ചുഗല്‍ ലീഗും സ്വന്തമാക്കി.