Malayalam 
ബലാത്സംഗക്കേസ്; റാപ്പര്‍ വേടനെതിരെ ലുക്കൗട്ട് നോട്ടീസ്
കൊച്ചി: ബലാത്സംഗക്കേസില്‍ ഒളിവില്‍പോയ വേടനെതിരെ (ഹിരണ്‍ദാസ് മുരളി) ലുക്കൗട്ട നോട്ടീസ്. വിദേശത്തേക്ക് രക്ഷപ്പെടാതിരിക്കാന്‍ ആണ് ലുക്കൗട്ട് നോട്ടീസ് പുറത്തുവിട്ടത്.
Also Read: കള്ളനായി ചിത്രീകരിച്ചു, പിന്നില്‍ നിന്ന് കുത്തുമെന്നും കരുതിയില്ല: ഡോ.ഹാരിസ് ചിറക്കല്‍
ബലാത്സംഗ പരാതിയുമായി യുവതി രംഗത്തെത്തിയതിന് പിന്നാലെ പോലീസ് കേസ് രജിസ്റ്റര്‍ ചെയ്തിരുന്നു. ഇതിനുശേഷം വേടന്‍ എവിടെ എന്ന് ആര്‍ക്കും അറിയില്ല. നിരവധി സംഗീത ഷോകള്‍ റദ്ദാക്കി. ഹൈക്കോടതി വേടന്റെ അറസ്റ്റ് തടയാത്ത സാഹചര്യത്തില്‍ പോലീസ് അന്വേഷണം ഊര്‍ജ്ജിതമാക്കി. ഈ മാസം 18ന് ആണ് വേടന്റെ മുന്‍കൂര്‍ ജാമ്യഹര്‍ജി കോടതി പരിഗണിക്കുന്നത്.
പുലിപ്പല്ല് പിടികൂടിയ കേസില്‍ വേടന്റെ പാസ്‌പോര്‍ട്ട് സറണ്ടര്‍ ചെയ്തിരുന്നു. കേസ് ഒഴിവായതിന് പിന്നാലെ ഉപാധികളോടെ പാസ്‌പോര്‍ട്ട് വിട്ടുനല്‍കിയിരുന്നു.
