Malayalam 
ശിവകുമാറിനെ മുഖ്യമന്ത്രിയാക്കണം; കര്‍ണാടക കോണ്‍ഗ്രസിലെ ഒരു വിഭാഗം ഡല്‍ഹിയില്‍
ന്യൂഡല്‍ഹി: കര്‍ണാടക ഉപമുഖ്യമന്ത്രി ഡി.കെ ശിവകുമാറിന്റെ വിശ്വസ്തരായ ഒരു കൂട്ടം കോണ്ഗ്രസ് എം എല്‍ എമാരും ഏതാനും മന്ത്രിമാരും ഹൈക്കമാന്‍ഡിനെ കാണാന്‍ ഡല്‍ഹിയില്‍. സിദ്ധരാമയ്യയെ മാറ്റി ശിവകുമാറിനെ മുഖ്യമന്ത്രിയാക്കണമെന്ന് ഹൈക്കമാന്‍ഡിനോട് ആവശ്യപ്പെടാനും കാര്യങ്ങള്‍ ധരിപ്പിക്കാനുമാണ് ഒരു വിഭാഗം നേതാക്കള്‍ ഡല്‍ഹിയിലെത്തിയത് എന്നാണ് റിപ്പോര്ട്ട്.
എ.പത്മകുമാറിനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയേക്കും
കര്‍ണാടക മന്ത്രി എന്‍ ചാലുവരായസ്വാമി, എം എല്‍ എമാരായ ഇഖ്ബാല്‍ ഹുസൈന്, എച്ച്.സി.ബാലകൃഷ്ണ, എസ് ആര് ശ്രീനിവാസ് എന്നിവരാണ് തലസ്ഥാനത്തുള്ളത്. ഡി കെയോട് കൂറുപുലര്‍ത്തുന്ന കൂടുതല്‍ നിയമസഭാംഗങ്ങള്‍ കൂടി വെള്ളിയാഴ്ച ദേശീയ തലസ്ഥാനത്ത് എത്താന്‍ സാധ്യതയുണ്ട്.
2023 ലെ കര്‍ണാടക നിയമസഭാ തെരഞ്ഞെടുപ്പില്‍ കോണ്ഗ്രസ് അധികാരത്തില്‍ വന്നപ്പോള്‍, മുഖ്യമന്ത്രി സ്ഥാനത്തിനായി സിദ്ധരാമയ്യയും ശിവകുമാറും തമ്മില്‍ കടുത്ത മത്സരം നടന്നിരുന്നു. നീണ്ട ചര്‍ച്ചകള്‍ക്ക് ശേഷമാണ് സിദ്ധരാമയ്യയെ മുഖ്യമന്ത്രിയായും ശിവകുമാറിനെ ഉപമുഖ്യമന്ത്രിയുമാക്കി പ്രശ്നപരിഹാരം കണ്ടത്. എന്നാല്‍, ശിവകുമാറിന് മുഖ്യമന്ത്രിയാകാന്‍ രണ്ടര വര്‍ഷകാലത്തെ റൊട്ടേഷന്‍ ഫോര്‍മുല ദേശീയ നേതൃത്വം മുന്നോട്ട് വെച്ചിരുന്നുവെന്ന വിവരം അന്ന് തന്നെ ചര്‍ച്ചയായിരുന്നു. അതാകണം, ഇപ്പോള്‍ ശിവകുമാര്‍ പക്ഷം ഇപ്പോള്‍ ദേശീയ നേതൃത്വത്തെ കാണുവാന്‍ ഡല്‍ഹിയിലെത്തിയത്.
