തിരുവനന്തപുരം: ഇന്നും നാളെയും ട്രെയിന്‍ ഗതാഗതത്തില്‍ നിയന്ത്രണം ഏര്‍പ്പെടുത്തും. ഓച്ചിറയിലും ആലപ്പുഴയിലും മേല്‍പ്പാലങ്ങളുടെ പണി നടക്കുന്നതിനാലാണ് നിയന്ത്രണം.

ഭാഗികമായി റദ്ദാക്കിവ

ഇന്നലെ നിസാമുദ്ദീനില്‍ നിന്നു പുറപ്പെട്ട തിരുവനന്തപുരം വീക്ക്‌ലി എക്‌സ്പ്രസ് (22654) നാളെ പുലര്‍ച്ചെ കായംകുളത്ത് യാത്ര അവസാനിപ്പിക്കും. ഇന്ന് വൈകീട്ട് 4നു ചെന്നൈയില്‍ നിന്നു പുറപ്പെടുന്ന ചെന്നൈ- തിരുവനന്തപുരം എസി എക്‌സ്പ്രസ് എറണാകുളം ജങ്ഷനില്‍ യാത്ര അവസാനിപ്പിക്കും. തിരുവനന്തപുരം- ചെന്നൈ എസി എക്‌സ്പ്രസ് നാളെ രാത്രി 7.35ന് എറണാകുളത്ത് നിന്ന് പുറപ്പെടും.

രാഹുല്‍ മാങ്കൂട്ടത്തിലിന് സംരക്ഷണം നല്‍കുന്നു; പാര്‍ട്ടിക്കുള്ളില്‍ അസംതൃപ്തി, കടുത്ത നടപടി വേണമെന്ന് നേതാക്കള്‍

വൈകി ഓടുന്ന ട്രെയിനുകള്‍

ഇന്നത്തെ മംഗളൂരു- തിരുവനന്തപുരം എക്‌സ്പ്രസ് (16348) രണ്ട് മണിക്കൂര്‍ വൈകിയാണ് ഓടുന്നത്. രാമേശ്വരം- തിരുവനന്തപുരം അമൃത എക്‌സ്പ്രസ്, ഗുരുവായൂര്‍- ചെന്നൈ എക്‌സ്പ്രസ്, നിലമ്പൂര്‍- തിരുവനന്തപുരം നോര്‍ത്ത് രാജ്യറാണി എന്നിവ 2 മണിക്കൂര്‍ വൈകും. ഐഎഫ്എഫ്‌കെ ഡെലിഗേറ്റ് രജിസ്‌ട്രേഷന്‍ ഇന്ന് രാവിലെ 10 മുതല്‍ ഇന്നത്തെ മംഗളൂരു- തിരുവനന്തപുരം മാവേലി, മംഗളൂരു- തിരുവനന്തപുരം അന്ത്യോദയ എന്നിവ ഒന്നര മണിക്കൂര്‍ വൈകും. തിരുപ്പതി- കൊല്ലം എക്‌സ്പ്രസ്, ചെന്നൈ- തിരുവനന്തപുരം സൂപ്പര്‍ ഫാസ്റ്റ് എന്നിവ അര മണിക്കൂറും വൈകും. ഇന്നത്തെ മംഗളൂരു- തിരുവനന്തപുരം മലബാര്‍ 10 മിനിറ്റും ചെന്നൈ- ഗുരുവായൂര്‍ എക്‌സ്പ്രസ് രണ്ടര മണിക്കൂറും വൈകും. നാളെ പുലര്‍ച്ചെ 3.45നുള്ള കൊല്ലം – ആലപ്പുഴ മെമു 30 മിനിറ്റ് വൈകും. 4.20ന്റെ കൊല്ലം എറണാകുളം മെമു 10 മിനിറ്റും വൈകും.