തിരുവനന്തപുരം: കേരളത്തില്‍ ഇടതു തീവ്രവാദം നിലനില്‍ക്കുന്നതായി കേന്ദ്ര ആഭ്യന്തര മന്ത്രാലയം. കേരളം ഉള്‍പ്പെടെ 10 സംസ്ഥാനങ്ങളില്‍ ഇടത് തീവ്രവാദമുണ്ടെന്നാണ് ആഭ്യന്തര മന്ത്രാലയം പറയുന്നത്. കേരളത്തില്‍ ഏത് ജില്ലയിലാണ് ഇടതു തീവ്രവാദ സാന്നിധ്യമുള്ളതെന്നു മറുപടിയിലില്ല. 2017, 2021 വര്‍ഷങ്ങളില്‍ ഓരോ തീവ്രവാദികളാണു കേരള പൊലീസിനു മുന്‍പാകെ കീഴടങ്ങിയത്. കേരളത്തിനു പുറമേ, ബംഗാള്‍, ഒഡീഷ, തെലങ്കാന, മധ്യപ്രദേശ്, മഹാരാഷ്ട്ര, ഛത്തീസ്ഗഡ്, ജാര്‍ഖണ്ഡ്, ബിഹാര്‍, ആന്ധ്രാപ്രദേശ് എന്നിവിടങ്ങളിലാണ് ഇടതുപക്ഷ തീവ്രവാദം റിപ്പോര്‍ട്ട് ചെയ്തതിരിക്കുന്നത്.

ശബരിമലയിലെ തേന്‍ വിതരണത്തില്‍ ഗുരുതര വീഴ്ച; വഴിപാടിനുള്ള തേന്‍ വിതരണം ചെയ്തത് ഫോമിക് ആസിഡ് വിതരണം ചെയ്യുന്ന കണ്ടെയ്‌നറുകളില്‍

ഇക്കാലയളവില്‍ ഇടതു തീവ്രവാദികളെ കൊലപ്പെടുത്തുകയോ അവരുടെ ആക്രമണത്തില്‍ ആരെങ്കിലും കൊല്ലപ്പെടുകയോ ചെയ്തിട്ടില്ലെന്നു വിവരാവകാശ പ്രവര്‍ത്തകനായ രാജു വാഴക്കാലയ്ക്ക് കേന്ദ്ര ആഭ്യന്തര മന്ത്രാലയം നല്‍കിയ മറുപടിയില്‍ പറയുന്നു. ഛത്തീസ്ഗഡ് (748), ജാര്‍ഖണ്ഡ് (373), മഹാരാഷ്ട്ര (111), ബിഹാര്‍ (99), ആന്ധ്ര (35), മധ്യപ്രദേശ് (15) എന്നിങ്ങനെയാണ് സാധാരണ പൗരന്മാര്‍ കൊല്ലപ്പെട്ടത്. 9 സംസ്ഥാനങ്ങളിലെ 27 ജില്ലകളിലാണ് ഇടതുതീവ്രവാദം രൂക്ഷമായിട്ടുള്ളതെന്നാണ് ആഭ്യന്തര മന്ത്രാലയത്തിന്റെ റിപ്പോര്‍ട്ടില്‍ പറയുന്നത്.