Malayalam 
പോയവര്ക്ക് മടങ്ങി വരാം; കേരള കോണ്ഗ്രസിനെ (എം) ക്ഷണിച്ച് കോണ്ഗ്രസ്
തിരുവനന്തപുരം: തദ്ദേശ തെരഞ്ഞെടുപ്പില് മികച്ച വിജയം നേടിയതിന് പിന്നാലെ
മുന്നണി വിട്ടവരെ തിരികെ പാര്ട്ടിയിലേക്ക് വിളിച്ച് കോണ്ഗ്രസ്. കെപിസിസി പ്രസിഡന്റ് സണ്ണി ജോസഫ് ഉള്പ്പെടെയുള്ള നേതാക്കളുടെ പ്രതികരണത്തിലാണ് കേരള കോണ്ഗ്രസ് എമ്മിനെ ഉള്പ്പെടെ പരാമര്ശിക്കുന്നത്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
യുഡിഎഫ് വിട്ട് പോയവര് തിരിച്ച് വരണമോ എന്ന് ചിന്തിക്കേണ്ട സമയമാണ്. തീരുമാനം എടുക്കേണ്ടത് കേരള കോണ്ഗ്രസ് എം ആണെന്നുള്ള സൂചനയാണ് കെപിസിസി പ്രസിഡന്റ് നല്കിയത്. പിവി അന്വറിനെ മുന്നണിയില് എടുക്കുന്നതില് ഇനി സാങ്കേതികത്വം മാത്രമാണെന്നും സണ്ണി ജോസഫ് പ്രതികരിച്ചു. പിവി അന്വറിനെ അസോസിയേറ്റ് അംഗമാക്കാനാണ് നീക്കം. ഇതു സംബന്ധിച്ച തീരുമാനം ഉടന് ഉണ്ടാകുമെന്നും സണ്ണി ജോസഫ് അറിയിച്ചു. ആര്ക്കെതിരെയും ഞങ്ങള് കതക് അടച്ചിട്ടില്ലെന്ന് കോട്ടയത്തെ മുതിര്ന്ന നേതാവ് തിരുവഞ്ചൂര് രാധാകൃഷ്ണനും പ്രതികരിച്ചിരുന്നു. കേരള കോണ്ഗ്രസ് എം യുഡിഎഫിന് ഒപ്പം ചേരണമെന്നാണ് ആഗ്രഹമെന്നും അദ്ദേഹം വ്യക്തമാക്കി.
