Malayalam 
ആര് ശ്രീലേഖയുമായുള്ള തര്ക്കം; വികെ പ്രശാന്ത് എംഎല്എ ഓഫീസ് ഒഴിയുന്നു
തിരുവനന്തപുരം: വികെ പ്രശാന്ത് ശാസ്തമംഗലത്തുള്ള എംഎല്എ ഓഫീസ് ഒഴിയുന്നു. ബിജെപി നേതാവും കൗണ്സിലറുമായ ആര് ശ്രീലേഖ പ്രശാന്തിനോട് ഓഫീസ് ഒഴിയാന് ആവശ്യപ്പെട്ടത് വലിയ വിവാദമായിരുന്നു. ഇതിന് പിന്നാലെയാണ് വികെ പ്രശാന്തിന്റെ തീരുമാനം. മരുതംകുഴിയിലാണ് പുതിയ ഓഫീസ്. ഇവിടേക്ക് പ്രവര്ത്തനം മാറ്റാനാണ് തീരുമാനം. നേരത്തെ, ഇരുവരും തമ്മിലുള്ള ഓഫീസ് കെട്ടിട തര്ക്കം വലിയ രീതിയില് ചര്ച്ചയായിരുന്നു. തിരുവനന്തപുരം കോര്പ്പറേഷനില് ബിജെപി അധികാരമേറ്റതിന് പിന്നാലെയായിരുന്നു ഓഫീസ് കെട്ടിടവുമായി ബന്ധപ്പെട്ടുള്ള തര്ക്കം ആരംഭിച്ചത്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ശാസ്തമംഗലത്തെ കോര്പ്പറേഷന് കെട്ടിടത്തിലെ കൗണ്സിലര് ഓഫീസും വികെ പ്രശാന്ത് എംഎല്എയുടെ ഓഫീസും ഒരേ കെട്ടിടത്തിലാണ് പ്രവര്ത്തിക്കുന്നത്. കൗണ്സിലര് ഓഫീസിലെ സ്ഥലപരിമിതി ചൂണ്ടിക്കാണിച്ച് വികെ പ്രശാന്ത് എംഎല്എയോട് ഓഫീസ് ഒഴിയണമെന്ന് ആര് ശ്രീലേഖ ആവശ്യപ്പെട്ടതോടെയാണ് വിവാദത്തിന് തുടക്കമായത്.
