Malayalam 
ഇന്ന് ഗുരുവായൂര് ഏകാദശി; പ്രസാദ ഊട്ട് രാവിലെ ഒന്പത് മുതല്, വന് ഭക്തജനത്തിരക്ക്
ഗുരുവായൂര്: ഗുരുവായൂരില് ഇന്ന് ഏകാദശി ആഘോഷം. വ്രതശുദ്ധിയുടെ പുണ്യം തേടി ലക്ഷക്കണക്കിന് ഭക്തര് ഗുരുവായൂരിലെത്തും. ദേവസ്വം നേരിട്ടാണ് ഇന്ന് വിളക്കാഘോഷം നടത്തുക. അന്ന ലക്ഷ്മി ഹാളിലും പ്രത്യേക പന്തലിലും ശ്രീഗുരുവായൂരപ്പന് ഓഡിറ്റോറിയത്തിലും രാവിലെ 9ന് പ്രസാദ ഊട്ട് ആരംഭിക്കും. ഊട്ടിനുള്ള വരി 2ന് അവസാനിപ്പിക്കും.
ശബ്ദം രാഹുല് മാങ്കൂട്ടത്തിലിന്റേത് തന്നെ; സ്ഥിരീകരിച്ച് പ്രത്യേക അന്വേഷണ സംഘം
രാവിലെ ആറരയ്ക്ക് പാര്ത്ഥസാരഥി ക്ഷേത്രത്തിലേക്ക് എഴുന്നള്ളിപ്പ് നടക്കും. വൈകിട്ട് ദീപാരാധനയ്ക്ക് ശേഷം പാര്ത്ഥസാരഥി ക്ഷേത്രത്തില് നിന്ന് ഗുരുവായൂര് ക്ഷേത്രത്തിലേക്ക് രഥം എഴുന്നള്ളിപ്പുമുണ്ടാകും. രാവിലെ 5 മുതല് വൈകിട്ട് 5 വരെ വി.ഐ.പികള്ക്ക് ഉള്പ്പെടെ ദര്ശനത്തിന് നിയന്ത്രണം ഏര്പ്പെടുത്തി.
ഉദയാസ്തമയ പൂജയോടെ ഏകാദശി ആഘോഷിക്കും. സുപ്രീംകോടതി വിധി പ്രകാരമാണ് ഇത്. ഓരോ 5 പൂജകള് കഴിഞ്ഞാല് ഒരു മണിക്കൂര് തുടര്ച്ചയായി ദര്ശനം. കാലത്തെ ശീവേലിക്ക് ഒപ്പം പാര്ഥസാരഥി ക്ഷേത്രത്തിലേക്ക് എഴുന്നള്ളിപ്പ് ഉണ്ടാകും. പഞ്ചവാദ്യം അകമ്പടിയയോടെ രാത്രി എഴുന്നള്ളിപ്പിന് കൊമ്പന് ഇന്ദ്രസെന് സ്വര്ണക്കോലം വഹിക്കും.