Malayalam 
വൈദ്യുതി നിരക്കിന് പിന്നാലെ ജനത്തിന്റെ നടുവൊടിച്ച് വെള്ളക്കരവും കൂട്ടുന്നു
തിരുവനന്തപുരം: സംസ്ഥാനത്ത് വൈദ്യുതി നിരക്ക് വര്ധിപ്പിച്ചതിന് പിന്നാലെ വെള്ളക്കരവും കൂട്ടുന്നു. ഇത് സംബന്ധിച്ച് ജല അതോറിറ്റി ഫെബ്രുവരിയില് സര്ക്കാറിന് ശുപാര്ശ നല്കും. കടമെടുപ്പ് പരിധി ഉയര്ത്തുന്നതിനായി കേന്ദ്ര സര്ക്കാര് മുന്നോട്ട് വച്ച വ്യവസ്ഥ പ്രകാരമാണ് പുതിയ തീരുമാനം. 5 % നിരക്കാണ് വര്ധിപ്പിക്കുക. ഏപ്രില് 1 മുതലാകും പുതിയ നിരക്ക് വര്ധന.
Also Read; ബിജെപിക്കും സുരേഷ് ഗോപിക്കുമെതിരെ തൃശ്ശൂര് അതിരൂപത
2021 ഏപ്രില് മുതല് അടിസ്ഥാന താരിഫില് 5 % വര്ധന വരുത്തുന്നുണ്ട്. ഓരോ വര്ഷവും ഇത് തുടരണമെന്നാണ് കേന്ദ്ര നിര്ദേശം. കഴിഞ്ഞ ഫെബ്രുവരിയില് ലിറ്ററിന് ഒരു പൈസ കൂട്ടിയിരുന്നു.
സംസ്ഥാനത്ത് ഇന്നലെയാണ് വൈദ്യുതി നിരക്ക് കൂട്ടിയത്. യൂണിറ്റിന് ശരാശരി 20 പൈസ വരെയാണ് കൂട്ടിയത്. പ്രതിമാസം 40 യൂണിറ്റില് താഴെയുള്ളവര്ക്ക് നിരക്ക് വര്ധന ബാധകമല്ല. 100 യൂണിറ്റ് ഉപയോഗിക്കുന്നവര്ക്ക് 20 ശതമാനം നിരക്ക് വര്ധനയുണ്ടാകും. ഇനി മുതല് എല്ലാ വര്ഷവും വൈദ്യുതി നിരക്ക് കൂടുമെന്നാണ് വൈദ്യുതി വകുപ്പ് പറഞ്ഞത്.
Join with metro post: വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
