Malayalam 
കണ്ണൂരില് ഒഴുക്കില്പ്പെട്ട വിദ്യാര്ഥിനികളില് ഒരാളുടെ മൃതദേഹം കണ്ടെത്തി, 23-കാരി സൂര്യക്കായി തിരച്ചില്
കണ്ണൂര്: പടിയൂരില് ചൊവ്വാഴ്ച ഒഴുക്കില്പ്പെട്ട് കാണാതായ രണ്ടു വിദ്യാര്ഥിനികളില് ഒരാളുടെ മൃതദേഹം കണ്ടെത്തി. ഇരിക്കൂര് സിബ്ഗ കോളേജ് വിദ്യാര്ഥിനി എടയന്നൂര് തെരൂരിലെ ഷഹര്ബാനയുടെ മൃതദേഹം പൂവം കടവിലെ വളവില് നിന്ന് രാവിലെയോടെയാണ് കണ്ടെടുത്തത്. ഒഴുക്കില്പെട്ട് കാണാതായ മറ്റൊരു വിദ്യാഥിനി ചക്കരക്കല് നാലാം പീടികയിലെ സൂര്യക്കായുള്ള തിരച്ചില് ഇപ്പാഴും തുടരുകയാണ്.
Also Read ; സംസ്ഥാനത്ത് ഇന്ന് ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യത; മൂന്ന് ജില്ലകളില് യെല്ലോ അലേര്ട്ട്
പഴശ്ശി ജലസംഭരണിയുടെ പടിയൂര് പൂവംകടവിലാണ് വിദ്യാര്ഥിനികളെ കാണാതായത്. ജില്ലയിലെ എല്ലാ അഗ്നിരക്ഷാസേനാ വിഭാഗങ്ങളില്നിന്നുള്ള സ്കൂബാ സംഘത്തിന്റെയും മേഖലയില്നിന്നുള്ള മുങ്ങല് വിദഗ്ധ സംഘത്തിന്റെയും നേതൃത്വത്തില് സംഭരണിയിലെ മൂന്ന് കിലോമീറ്ററോളം വരുന്ന ഭാഗങ്ങളില് വ്യാപക തിരച്ചില് നടത്തിവരുന്നതിനിടയില് ആണ് രാവിലെയോടെ വിദ്യാര്ഥിനികളില് ഒരാളുടെ മൃതദേഹം കണ്ടെടുത്തത്.
ഇരിക്കൂര് സിബ്ഗ കോളേജിലെ അവസാന വര്ഷ ബി.എ. സൈക്കോളജി ബിരുദ വിദ്യാര്ഥിനികളായ എടയന്നൂരിലെ ഹഫ്സത്ത് മന്സിലില് ഷഹര്ബാന (28), ചക്കരക്കല് നാലാംപീടികയിലെ ശ്രീലക്ഷ്മി ഹൗസില് സൂര്യ( 23) എന്നിവരാണ് ഒഴുക്കില്പ്പെട്ടത്. ചൊവ്വാഴ്ച വൈകീട്ട് നാലോടെയാണ് ഇവരെ കാണാതായത്. പടിയൂരിലെ സഹപാഠിയായ ജസീനയുടെ വീട്ടിലെത്തിയ ഇവര് പുഴയില് ഇറങ്ങിയപ്പോള് ഒഴുക്കില്പ്പെടുകയായിരുന്നു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
