Malayalam 
പറവ ഫിലിംസ് കമ്പനി കള്ളപ്പണ ഇടപാടുകള് നടത്തിയിട്ടില്ലെന്നും എല്ലാത്തിനും കൃത്യമായ രേഖകള് ഉണ്ടെന്നും ഇഡിക്ക് മൊഴി നല്കി സൗബിന് ഷാഹിര്
കൊച്ചി: മഞ്ഞുമ്മല് ബോയ്സ് നിര്മ്മാതാക്കള്ക്കെതിരെയുള്ള ഇഡി അന്വേഷണത്തില് മൊഴി നല്കി നിര്മ്മാതാക്കളിലൊരാളായ നടന് സൗബിന് ഷാഹിര്. പറവ ഫിലിംസ് കമ്പനി കള്ളപ്പണ ഇടപാടുകള് നടത്തിയിട്ടില്ലെന്നും എല്ലാത്തിനും കൃത്യമായ രേഖകള് ഉണ്ടെന്നും ഇഡിക്ക് മൊഴി നല്കി. സാമ്പത്തിക ഇടപാടുകള് സംബന്ധിച്ച കരാര് ലംഘിച്ചത് പരാതിക്കാരനെന്നും നിര്മ്മാതാക്കള് മൊഴി നല്കി. ഇയാളില് നിന്ന് വാങ്ങിയ ഏഴ് കോടിയില് ആറര കോടിയും തിരികെ നല്കിയതായും നിര്മ്മാതാക്കള് അറിയിച്ചു.
Also Read ; അസമിലെ കനത്ത മഴയ്ക്ക് നേരിയശമനം; വെള്ളപ്പൊക്കത്തില് ഇതുവരെ ജീവന് നഷ്ടപ്പെട്ടത് 85 പേര്ക്ക്
ജൂണ് 11നാണ് മഞ്ഞുമ്മല് ബോയ്സ് നിര്മ്മാതാക്കള്ക്കെതിരെ കള്ളപ്പണ ഇടപാടുകളില് ഇഡി അന്വേഷണം ആരംഭിച്ചത്. സിനിമയുടെ നിര്മ്മാണത്തിനായി തന്റെ പക്കല് നിന്നും പണം വാങ്ങി കബളിപ്പിച്ചതായി സിറാജ് എന്ന നിര്മ്മാതാവാണ് പരാതി നല്കിയത്. ഏഴ് കോടി രൂപ സിനിമയ്ക്കായി പറവ ഫിലിംസിന് നല്കിയത്. സിനിമയ്ക്ക് 40 ശതമാനം പറവ ഫിലിംസ് വാഗ്ദാനം ചെയ്തിരുന്നു. എന്നാല് ഒരു രൂപ പോലും ലഭിച്ചിട്ടില്ല എന്നായിരുന്നു സിറാജിന്റെ പരാതി.
Join with metro post: വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
പറവ ഫിലിംസ് നടത്തിയത് മുന്ധാരണ പ്രകാരമുള്ള ചതിയാണെന്നും സിനിമയുടെ ഷൂട്ടിങ് തുടങ്ങുന്നതിന് മുന്പേ ആദ്യ ഷെഡ്യൂള് പൂര്ത്തിയായെന്ന് പരാതിക്കാരനെ വിശ്വസിപ്പിച്ചുവെന്നുമാണ് ഹൈക്കോടതിയില് എറണാകുളം മരട് പൊലീസ് നടത്തിയ അന്വേഷണ റിപ്പോര്ട്ടില് പറഞ്ഞത്. 22 കോടി രൂപ സിനിമയ്ക്കായി ചെലവായെന്നാണ് നിര്മ്മാതാക്കളുടെ വാദം. ഇത് കള്ളമാണെന്നും 18.65 കോടി രൂപ മാത്രമാണ് നിര്മ്മാണ ചെലവായതെന്നും റിപ്പോര്ട്ടില് രേഖപ്പെടുത്തിയിരുന്നു.
