Malayalam 
ക്ഷേമപെന്ഷന് കുടിശ്ശിക രണ്ടു ഘട്ടമായി മുഴുവനും നല്കുമെന്ന് മുഖ്യമന്ത്രി
തിരുവനന്തപുരം: സംസ്ഥാനത്തെ ക്ഷേമപെന്ഷന് വര്ധിപ്പിക്കാന് സര്ക്കാരിന് പദ്ധതിയുണ്ടെന്ന് മുഖ്യമന്ത്രി പിണറായി വിജയന്. ക്ഷേമ പെന്ഷന് ആനുകൂല്യങ്ങളുടെ അഞ്ച് ഗഡു കുടിശ്ശികയില് രണ്ട് ഗഡു 2024-25 സാമ്പത്തിക വര്ഷവും അടുത്ത മൂന്ന് ഗഡു 2025-26 സാമ്പത്തിക വര്ഷവും വിതരണം ചെയ്യുമെന്നും മുഖ്യമന്ത്രി നിയമസഭയെ അറിയിച്ചു.
Also Read ; മമ്മൂട്ടിയുടെ നായികയായി നയന്സ് ; ഗൗതം വാസുദേവ് മേനോന്റെ മലയാളത്തിലെ ആദ്യ ചിത്രത്തിന് തുടക്കം
സംസ്ഥാനത്തെ പെന്ഷന്റെ സിംഹഭാഗവും നല്കുന്നത് കേരള സര്ക്കാരാണെന്നും കേന്ദ്ര വിഹിതം നാമമാത്രമാണെന്നും മുഖ്യമന്ത്രി പറഞ്ഞു. കേന്ദ്രസര്ക്കാര് ആനുകൂല്യത്തിന്റെ വരുമാനപരിധി പ്രതിവര്ഷം 25,000 രൂപയാണെങ്കില്, സംസ്ഥാന സര്ക്കാര് വരുമാനപരിധിയായി നിശ്ചയിച്ചത് പ്രതിവര്ഷം ഒരു ലക്ഷം രൂപയാണ്. കൂടാതെ കടുത്ത പണഞെരുക്കം നേരിടുമ്പോഴും അവശജനവിഭാഗത്തെ ചേര്ത്തുപിടിക്കുന്ന സമീപനമാണ് സര്ക്കാര് സ്വീകരിക്കുന്നതെന്നും മുഖ്യമന്ത്രി കൂട്ടിചേര്ത്തു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
