Malayalam 
എറണാകുളത്ത് ദമ്പതിമാര് വീടിനുള്ളില് മരിച്ചനിലയില്; ഭാര്യയെ കൊലപ്പെടുത്തി ഭര്ത്താവ് ജീവനൊടുക്കിയെന്ന് നിഗമനം
എറണാകുളം: പറവൂര് വഴിക്കുളങ്ങരയില് ദമ്പതിമാരെ വീടിനുള്ളില് മരിച്ചനിലയില് കണ്ടെത്തി. വെളികൊളേപ്പാടം റോഡ് ഡ്രീംസ് വില്ലയില് വാലത്ത് വിദ്യാധരന്(70) ഭാര്യ വനജ (66) എന്നിവരെയാണ് മരിച്ചനിലയില് കണ്ടത്. ഭാര്യയെ കഴുത്തറത്ത് കൊലപ്പെടുത്തിയ ശേഷം ഭര്ത്താവ് ജീവനൊടുക്കിയെന്നാണ് പോലീസിന്റെ പ്രാധമിക നിഗമനം.
Also Read ; നീതി ആയോഗിന്റെ സുസ്ഥിര വികസന ലക്ഷ്യ സൂചികയില് ഒന്നാം സ്ഥാനം മുറുകെ പിടിച്ച് കേരളം
രണ്ടരവര്ഷം മുമ്പാണ് ഇവര് ഇവിടെ താമസം തുടങ്ങിയത്. വനജക്ക് കാഴ്ചക്കുറവ് ഉണ്ടായതിനെ തുടര്ന്ന് മാനസികമായ ചില പ്രശ്നങ്ങള് ഇവര്ക്കിടയിലുണ്ടായിരുന്നു. ഇതേ തുടര്ന്ന് വഴക്കുണ്ടാവുകയും പതിവായിരുന്നു. സമീപത്ത് വാടകയ്ക്ക് താമസിക്കുന്ന ഇവരുടെ മകള് ദിവ്യ രാവിലെ അമ്മയെ ഫോണില് വിളിച്ചിട്ടും കിട്ടാതിരുന്നതിനെ തുടര്ന്ന് നടത്തിയ അന്വേഷണത്തിലാണ് സംഭവം പുറത്തറിയുന്നത്. ഇവരുടെ മറ്റൊരു മകള് ദീപ ചങ്ങനാശ്ശേരിയിലാണ് താമസം. പറവൂര് പോലീസ് സ്ഥലത്തെത്തി മേല്നടപടികള് സ്വീകരിച്ചശേഷം മൃതദേഹങ്ങള് പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റും.
Join with metro post: വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
