Malayalam 
‘ജീവനുണ്ടെങ്കില് നാളെ സഭയില് കയറും’ ; പ്രതിപക്ഷ സീറ്റില് നിന്ന് മാറ്റിയില്ലെങ്കില് തറയില് ഇരിക്കും – പി വി അന്വര്
തിരുവനന്തപുരം: നിയമസഭാ സമ്മേളനത്തിന്റെ രണ്ടാം ദിവസവും സഭയില് പങ്കെടുക്കാതെ പി വി അന്വര് എംഎല്എ. ഇന്ന് സഭയില് പങ്കെടുക്കില്ലെന്ന് അന്വര് അറിയിച്ചിരുന്നു. ഈ ഒരു ദിവസം കൂടി നോക്കുമെന്നും താന് പ്രതിപക്ഷ നിരയില് ഇരിക്കില്ലെന്നും അദ്ദേഹം പറഞ്ഞു.അതേസമയം സ്വതന്ത്ര എംഎല്എ ആയിട്ട് സീറ്റ് അനുവദിക്കണമെന്നും അന്വര് ആവശ്യപ്പെട്ടു. എം ആര് അജിത്കുമാറിനെ ക്രമസമാധാന ചുമതലയില് നിന്ന് മാറ്റിയതിനെയും അന്വര് പരിഹസിച്ചു.
‘കസേരകളി പോലെ ഒരു സീറ്റില് നിന്നും മറ്റൊരു സീറ്റിലേക്ക് മാറ്റിയിട്ട് എന്ത് കാര്യം. സസ്പെന്ഡ് ചെയ്യണ്ടേ. സസ്പെന്ഡ് ചെയ്യണമെന്നാണ് ഡിജിപി എഴുതിക്കൊടുത്തത്. മുഖ്യമന്ത്രിയുടെ ഓഫീസ് അതിന് തയ്യാറല്ല. ഇന്നോ നാളെ രാവിലെ വരെയോ മറുപടി നോക്കും. ജീവനുണ്ടെങ്കില് നാളെ സഭയില് കയറും. പ്രതിപക്ഷ സീറ്റില് നിന്ന് മാറ്റിയില്ലെങ്കില് തറയില് ഇരിക്കും. സ്പീക്കര് സ്വതന്ത്ര ബ്ലോക്ക് തരണം. സ്വതന്ത്ര ബ്ലോക്ക് തരണമെന്ന് സ്പീക്കര്ക്ക് കത്ത് നല്കും’; അന്വര് പറഞ്ഞു.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
