Malayalam 
രാഹുലിനെ തടഞ്ഞ് എല്ഡിഎഫ്-ബിജെപി പ്രവര്ത്തകര് ; ബൂത്തില് കയറി വോട്ട് ചോദിച്ചെന്ന് ആരോപണം
പാലക്കാട്: വോട്ടെടുപ്പ് നടക്കുന്ന പാലക്കാട്ടെ മണ്ഡലത്തില് ബൂത്തില് കയറി വോട്ട് ചോദിച്ചെന്ന് ആരോപിച്ച് യുഡിഎഫ് സ്ഥാനാര്ത്ഥി രാഹുല് മാങ്കൂട്ടത്തിലിനെ തടഞ്ഞ് പ്രതിഷേധക്കാര്. വെണ്ണക്കരയിലെ പോളിംഗ് ബൂത്തിലാണ് രാഹുല് മാങ്കൂട്ടത്തിലിനെ തടയാന് ശ്രമമുണ്ടായത്.
രാഹുല് ബൂത്തില് കയറി വോട്ട് ചോദിച്ചെന്നാണ് എല്ഡിഎഫ്, ബിജെപി പ്രവര്ത്തകര് ആരോപിക്കുന്നത്. ഇരുപാര്ട്ടികളുടെയും പ്രവര്ത്തകര് ചേര്ന്നാണ് രാഹുല് മാങ്കൂട്ടത്തിലിനെ തടഞ്ഞത്. പിന്നാലെ ഉണ്ടായ വാക്കുത്തര്ക്കം സംഘര്ഷത്തിലേക്ക് നീങ്ങിയതോടെ പോലീസ് ഇടപെട്ടു. സംഘര്ഷ സാധ്യത കണക്കിലെടുത്ത് സ്ഥലത്തേക്ക് കൂടുതല് പോലീസെത്തിയിട്ടുണ്ട്. അതേസമയം സംഭവത്തില് എല്ഡിഎഫ്, ബിജെപി പ്രവര്ത്തകര് അനാവശ്യമായി സംഘര്ഷം ഉണ്ടാക്കുകയാണെന്ന് രാഹുല് മാങ്കൂട്ടത്തില് മാധ്യമങ്ങളോട് പ്രതികരിച്ചു. മറ്റ് സ്ഥാനാര്ത്ഥികളും എത്തുന്നുണ്ടല്ലോ എന്നാണ് രാഹുല് മാങ്കൂട്ടത്തില് ചോദിക്കുന്നത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
