Malayalam 
തൃശൂര്‍ കെഎസ്ആര്‍ടിസി ബസ് സ്റ്റാന്‍ഡില്‍ ബസുകള്‍ കൂട്ടിയിടിച്ച് അപകടം ; ആര്‍ക്കും പരിക്കില്ല
തൃശൂര്‍: കെഎസ്ആര്‍ടിസി ബസ് സ്റ്റാന്‍ഡിനകത്ത് ബസുകള്‍ കൂട്ടിയിടിച്ച് അപകടം. അപകടത്തില്‍ ആര്‍ക്കും പരിക്കില്ല. ഇന്നലെ രാത്രി 11.30 ഓടെയാണ് അപകടമുണ്ടാകുന്നത്. കോഴിക്കോട് നിന്ന് പാലായിലേക്ക് പോവുകയായിരുന്ന സൂപ്പര്‍ ഫാസ്റ്റ് ബസും എറണാകുളം നെടുമ്പാശ്ശേരി എസി ലോ ഫ്ളോര് ബസും തമ്മിലാണ് കൂട്ടിയിടിച്ചത്.
സ്റ്റാന്‍ഡില്‍ നിന്ന് പുറത്തേക്ക് പോകാനായി പിന്നോട്ട് എടുക്കുന്നതിനിടെ പാലാ ബസ് ലോ ഫ്ളോര് ബസില്‍ ഇടിക്കുകയായിരുന്നു. ബസിന്റെ ചില്ലുകള്‍ തകര്‍ന്നു.അപകടത്തിന് പിന്നാലെ ബസുകള്‍ രണ്ടും നിര്‍ത്തിയിട്ടതോടെ അര്‍ധരാത്രി യാത്രക്കാര്‍ പെരുവഴിയിലായി.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
