Malayalam 
രമേശ് ചെന്നിത്തലയ്ക്ക് ഒളിയമ്പുമായി കെ മുരളീധരന്
കോഴിക്കോട്: രമേശ് ചെന്നിത്തലക്ക് ഒളിയമ്പുമായി കെ മുരളീധരന് രംഗത്ത്. ‘ആരെങ്കിലും ആരെയെങ്കിലും പുകഴ്ത്തിയാല് മുഖ്യമന്ത്രി ആവില്ല. എല്ലാവരും എല്ലാവരെയും പുകഴ്ത്താറുണ്ട്, ആരെയും ഇകഴ്ത്താറില്ല. എല്ലാ സമുദായങ്ങളും കോണ്ഗ്രസുകാരെ സ്വീകരിക്കുന്നത് നല്ല കാര്യമാണ്. മുഖ്യമന്ത്രി ആരെന്ന് ചര്ച്ച ചെയ്യാനുള്ള സമയമല്ല ഇത് രാഹുല് ഗാന്ധിയും മല്ലികാര്ജുന് ഖാര്ഗെയുമുള്ളപ്പോള് മുഖ്യമന്ത്രി കാര്യം ഇവിടെ ചര്ച്ച ചെയ്യേണ്ടതില്ല. കോണ്ഗ്രസ് നിയമസഭാ കക്ഷിയാണ് മുഖ്യമന്ത്രി കാര്യത്തില് തീരുമാനമെടുക്കാറുള്ളതെന്നും’ കെ മുരളീധരന് പറഞ്ഞു.
ഗ്രൂപ്പിന്റെ കാലഘട്ടമൊക്കെ അവസാനിച്ചു. നേതാക്കള്ക്ക് സ്ഥാനം കിട്ടാനാണ് ഗ്രൂപ്പ് എന്നുള്ളത് പ്രവര്ത്തകര് മനസ്സിലാക്കിയിട്ടുണ്ട്. നേതാക്കള്ക്ക് അധികാരം കിട്ടുമെന്ന് തോന്നുമ്പോള് ആളുകള് കൂടുന്നത് സ്വാഭാവികം. തന്റെ പിന്നിലും ഇങ്ങനെ പലപ്പോഴും ആളുകള് കൂടിയിട്ടുണ്ടെന്നും കെ മുരളീധരന് പറഞ്ഞു.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
