തിരുവനന്തപുരം: ഒരു പശുവിനെയോ എരുമയെയോ പോലും എന്‍ ഭാസുരാംഗന്‍ വളര്‍ത്തിയിട്ടില്ലെന്നും ക്ഷീര സംഘത്തില്‍ നിന്ന് പുറത്താക്കുന്നതായും ഉത്തരവിറക്കി ക്ഷീര വികസനവകുപ്പ്. പശുവിനെപ്പോലും വളര്‍ത്താത്ത സിപിഐ നേതാവായ ഭാസുരാംഗനാണ് മുപ്പത് വര്‍ഷത്തിലേറെക്കാലം മാറനെല്ലൂര്‍ ക്ഷീരയുടെ പ്രസിഡന്റായി തുടര്‍ന്ന് കോടികള്‍കളുടെ വെട്ടിപ്പ് നടത്തിയത്. ക്ഷീര കര്‍ഷകനല്ലാത്ത ഭാസുരാംഗനെ സര്‍ക്കാര്‍ മില്‍മ അഡ്മിനിസ്‌ട്രേറ്ററാക്കിയത് ഗുരുതര നിയമലംഘനമാണ് എന്നതിന്റെ തെളിവ് കൂടിയാണ് ഭാസുരാംഗനെ പുറത്താക്കുന്ന ഈ ഉത്തരവ്.

Also Read; കോഴിക്കോട് മെഡിക്കല്‍ കോളേജിലെ സെക്യൂരിറ്റി ജീവനക്കാരനെ മര്‍ദിച്ച സംഭവം; പ്രതികളെ വെറുതെ വിട്ടു

കണ്ടല ബാങ്കില്‍ 101 കോടി രൂപയുടെ ക്രമക്കേട് നടത്തി ഇ ഡി ഒരു വര്‍ഷത്തിലേറെ ജയിലിലേക്ക് അയച്ചതിന് പിന്നാലെയാണ് എന്‍ ഭാസുരാംഗന്‍ ഇത്രയും കാലം സര്‍ക്കാരിനെ പറ്റിച്ചത് സര്‍ക്കാരിന് തന്നെ തുറന്ന് സമ്മതിക്കേണ്ടി വന്നത്. മാറനെല്ലൂര്‍ ക്ഷീരയുടെ മറവിലും ക്ഷീര വികസന വകുപ്പ് വഴിയും ഭാസുരാംഗന്‍ തട്ടിയെടുത്ത കോടികള്‍ തിരിച്ചുപിടിക്കുന്നതിനെക്കുറിച്ച് ഉത്തരവില്‍ പരാമര്‍ശിച്ചിട്ടില്ല.

Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..