Malayalam 
മാറിടം സ്പര്ശിക്കുന്നത് ബലാത്സംഗ ശ്രമമല്ലെന്ന വിവാദ പരാമര്ശം സ്റ്റേ ചെയ്ത് സുപ്രീംകോടതി
ഡല്ഹി: മാറിടം സ്പര്ശിക്കുന്നത് ബലാത്സംഗ ശ്രമമല്ലെന്ന അലഹബാദ് ഹൈക്കോടതിയുടെ വിവാദ പരാമര്ശം സ്റ്റേ ചെയ്ത് സുപ്രീംകോടതി. വിവാദ പരാമര്ശത്തില് സുപ്രീംകോടതി കടുത്ത അതൃപ്തിയും രേഖപ്പെടുത്തി. അലഹബാദ് ഹൈക്കോടതി ജഡ്ജിക്കെതിരെ രൂക്ഷമായ ഭാഷയിലാണ് സുപ്രീംകോടതി വിമര്ശനം ഉന്നയിച്ചത്. പരാമര്ശങ്ങള് വേദനയുണ്ടാക്കുന്നതാണെന്നും ജഡ്ജിയുടെ ഭാഗത്തുനിന്ന് തികഞ്ഞ അശ്രദ്ധയുണ്ടായെന്നും കോടതി വിമര്ശിച്ചു. പരാമര്ശങ്ങള് അംഗീകരിക്കാന് കഴിയുന്നതല്ലെന്നും വിധിന്യായ വിവാദ പരാമര്ശങ്ങള് സ്റ്റേ ചെയ്യുകയാണെന്നും സുപ്രീംകോടതി അറിയിച്ചു.
പെണ്കുട്ടിയുടെ മാറിടത്തില് സ്പര്ശിക്കാന് ശ്രമിക്കുന്നതോ പൈജാമയുടെ ചരട് പിടിച്ച് വലിക്കുന്നതോ ബലാത്സംഗ ശ്രമമായി കണക്കാക്കാന് ആകില്ലെന്നായിരുന്നു അലഹബാദ് ഹൈക്കോടതിയുടെ വിവാദ പരാമര്ശം. പ്രായപൂര്ത്തിയാകാത്ത പെണ്കുട്ടിയെ ബലാത്സംഗം ചെയ്യാന് ശ്രമിച്ചെന്ന കേസില് വിചാരണ നേരിടാനുള്ള കീഴ്ക്കോടതി ഉത്തരവിനെതിരെ രണ്ട് പ്രതികള് നല്കിയ ഹര്ജിയിലാണ് ഹൈക്കോടതി ഇത്തരമൊരു പരാമര്ശം നടത്തിയത്. അലഹബാദ് ഹൈക്കോടതിയിലെ സിംഗിള് ബെഞ്ച് ജഡ്ജി ജസ്റ്റിസ് റാം മനോഹര് നാരായണ് മിശ്രയുടെ സിംഗിള് ബെഞ്ചിന്റേതായിരുന്നു വിവാദ നിരീക്ഷണം.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
