Malayalam 
പഹല്ഗാം ഭീകരരെ സുരക്ഷാ സേന കണ്ടെത്തിയെന്ന് റിപ്പോര്ട്ട്
ഡല്ഹി: പഹല്ഗാം ആക്രമണം നടത്തിയ ഭീകരരെ നാലു സ്ഥലങ്ങളില് സുരക്ഷ സേന കണ്ടെത്തിയെന്ന് റിപ്പോര്ട്ട്. ഒരിടത്തുവെച്ച് സുരക്ഷ സേനയ്ക്കും ഭീകരര്ക്കും ഇടയില് വെടിവയ്പ് നടന്നു. ഭീകരര് നിലവില് ത്രാല് കോക്കര്നാഗ് മേഖലയിലാണ് ഉള്ളതെന്നും റിപ്പോര്ട്ടുണ്ട്. രാത്രി ഭക്ഷണം തേടി ഭീകരര് വീടുകളിലെത്തിയെന്നാണ് സൂചന.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
അതേസമയം, പഹല്ഗാം ആക്രമണത്തിനു പിന്നില് പ്രവര്ത്തിച്ച പാകിസ്ഥാന് ചൈന പൂര്ണ്ണ പിന്തുണ പ്രഖ്യാപിച്ചതില് ഇന്ത്യക്ക് കടുത്ത അതൃപ്തിയാണുള്ളത്. ഭീകരവാദത്തിനു പിന്തുണ നല്കുന്ന നിലപാടാണിതെന്ന വികാരമാണ് വിദേശകാര്യ വൃത്തങ്ങള്ക്കുള്ളത്. ഐക്യരാഷ്ട്രരക്ഷാ സമിതി പാസാക്കിയ പ്രമേയത്തില് നിന്ന് ഇന്ത്യയുടെ അന്വേഷണവുമായി സഹകരിക്കണം എന്ന ഭാഗം ചൈനയുടെ സഹായത്തോടെ പാകിസ്ഥാന് മാറ്റിയിരുന്നു.
ഇതിനു പിന്നാലെയാണ് ഇന്നലെ പാകിസ്ഥാന് വിദേശകാര്യമന്ത്രി ഇഷാഖ് ധര് ചൈനീസ് വിദേശകാര്യമന്ത്രി വാങ് യീയുമായി ചര്ച്ച നടത്തിയത്. ഇന്ത്യ പ്രത്യാക്രമണത്തിന് തയ്യാറാകുന്നു എന്ന സൂചനകള്ക്കിടെയാണ് പാകിസ്ഥാന് വിദേശകാര്യമന്ത്രി ചൈനയുടെ സഹായം തേടിയത്. ചൈനയുടെ പ്രസ്താവനയ്ക്ക് ഇന്ത്യ ഇന്ന് മറുപടി നല്കിയേക്കും.
