Malayalam 
ആശാ വര്ക്കര്മാരുടെ സമരം ഇന്ന് നൂറാം ദിനത്തിലേക്ക്
തിരുവനന്തപുരം: ആശാ വര്ക്കര്മാരുടെ സഹനസമരം ഇന്ന് നൂറാം നാളിലേക്ക്. സംസ്ഥാന സെക്രട്ടേറിയേറ്റിന് മുന്നില് തുടരുന്ന സമരത്തിന് പുറമെ കേരളമാകെ സഞ്ചരിച്ചുള്ള രാപ്പകല് സമരയാത്ര പതിനാറാം ദിവസത്തിലേക്ക് കടന്നിരിക്കുകയാണ്. സര്ക്കാരിന്റെ പിടിവാശിക്കെതിരെ സ്ത്രീ തൊഴിലാളികള് നടത്തുന്ന പോരാട്ടം കേരളത്തിലെ സമരചരിത്രത്തിന്റെ ഭാഗമാകുകയാണ്. സര്ക്കാര് ആഘോഷത്തോടെ അഞ്ചാം വര്ഷത്തിലേക്ക് കടക്കുന്ന ദിവസമാണ് ആശമാരുടെ സമരം നൂറ് നാള് പിന്നിടുന്നത്.
Joinw with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
സെക്രട്ടറിയേറ്റിന് മുന്നിലെ രാപ്പകല് സമരം, അനിശ്ചിതകാല നിരാഹാരസമരം, മുടിമുറിക്കല് സമരം, നിയമസഭാ മാര്ച്ച്, സാംസ്കാരിക നേതാക്കളുടെ സംഗമം, പ്രതിഷേധ പൊങ്കാല, സെക്രട്ടറിയേറ്റ് ഉപരോധം, ഒടുവില് കേരളമാകം നീണ്ടുനില്ക്കുന്ന രാപ്പകല് സമരയാത്ര. സിഐടിയുവിന്റെ സമാന്തര സമരം, ഐഎന്ടിയുസിയുടെ തൊഴിലാളി വിരുദ്ധ നിലപാട്, മഴയത്ത് വലിച്ചുകെട്ടിയ ടാര്പോളിന് ഷീറ്റ് വരെ വലിച്ചുമാറ്റിയുള്ള പോലീസ് നടപടികള്. ഒന്നിലും പതറാതെയാണ് ആശ സമരം മുന്നോട്ട് പോകുന്നത്.
സംസ്ഥാന സര്ക്കാര് നല്കുന്ന ഓണറേറിയം എഴായിരം രൂപയില്നിന്ന് 21000 ആയി ഉയര്ത്തുക, വിരമിക്കല് ആനുകൂല്യമായി അഞ്ചുലക്ഷം രൂപ നല്കുക തുടങ്ങിയ ആവശ്യങ്ങള് ഉന്നയിച്ചാണ് ഫെബ്രുവരി പത്തിന് സമരം ആരംഭിച്ചത്. മന്ത്രിതലത്തില് നടത്തിയ ചര്ച്ചയെ തുടര്ന്ന് ആവശ്യങ്ങള് പഠിക്കാന് സമിതിയെ വച്ചെങ്കിലും നൂറ് രൂപയെങ്കിലും കൂട്ടാതെ സമരം അവസാനിപ്പിക്കില്ലെന്ന് ഉറപ്പിച്ചു പറയുകയായിരുന്നു സമരക്കാര്.
