Malayalam 
അതുല്യയുടെ മരണം; ഭര്ത്താവ് പിടിയില്, ക്രൈം ബ്രാഞ്ചിന് കൈമാറും
തിരുവനന്തപുരം: ഷാര്ജയില് അതുല്യ ജീവനൊടുക്കിയ സംഭവത്തില് ഭര്ത്താവ് സതീഷിനെ തിരുവനന്തപുരം വിമാനത്താവളത്തില്വെച്ച് പിടികൂടി. അതുല്യയുടെ ആത്മഹത്യയുമായി ബന്ധപ്പെട്ട് കൊല്ലത്ത് പൊലീസ് സതീഷിനെതിരെ കേസ് എടുത്തിരുന്നു. ഷാര്ജയില് നിന്ന് തിരുവനന്തപുരത്ത് എത്തിയ സതീഷിനെ എമിഗ്രേഷന് വിഭാഗം കസ്റ്റഡിയിലെടുത്ത് പൊലീസിന് കൈമാറി.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
ഇയാളെ ഉടന് ക്രൈംബ്രാഞ്ചിന് കൈമാറും. അതുല്യയുടെ മരണത്തില് സതീഷിന് പങ്കുണ്ടെന്ന് കാണിച്ച് സഹോദരി അഖില നല്കിയ പരാതിയില് ഷാര്ജ പൊലീസും അന്വേഷണം നടത്തിയിരുന്നു.
2025 ജൂലൈ 19നാണ് ഷാര്ജയിലെ ഫ്ളാറ്റില് തൂങ്ങിമരിച്ച നിലയില് അതുല്യയെ കണ്ടെത്തിയത്. ഇതിന് പിന്നാലെ അതുല്യയെ ഭര്ത്താവ് സതീഷ് ഉപദ്രവിക്കുന്നതിന്റെ ദൃശ്യങ്ങള് പുറത്തുവന്നിരുന്നു. അതുല്യയുടെ ശരീരത്തില് മര്ദ്ദനമേറ്റതിന്റെ പാടുകള് അടങ്ങുന്ന ദൃശ്യങ്ങളും പുറത്തുവന്നിരുന്നു.
