കോഴിക്കോട്: നിമിഷപ്രിയ കേസില്‍ ‘ക്രെഡിറ്റ് വേണ്ടെന്ന’ കാന്തപുരം എ പി അബൂബക്കര്‍ മുസലിയാരുടെ പ്രസ്താവനക്കെതിരെ വിമര്‍ശനമുയര്‍ത്തി കൊല്ലപ്പെട്ട തലാലിന്റെ സഹോദരന്‍ അബ്ദുല്‍ ഫത്താഹ് മഹ്ദി. കാന്തപുരമോ ശൈഖ് ഹബീബ് ഉമറോ തങ്ങളുമായി ഒരു ചര്‍ച്ചയും നടത്തിയിട്ടില്ല. ഇവര്‍ സത്യത്തെ വളച്ചൊടിക്കാന്‍ ശ്രമിക്കുകയാണെന്നും ഫത്താഹ് മഹ്ദി പറഞ്ഞു. ഫേസ്ബുക്ക് പോസ്റ്റില്‍ മലയാള മാധ്യമവാര്‍ത്തകളടക്കം പങ്കുവെച്ച് കാന്തപുരത്തിന്റെ വാദങ്ങള്‍ തെളിയിക്കാന്‍ വെല്ലുവിളിച്ചിരിക്കയാണ് ഫത്താഹ്.

Also Read; ഗാസയില്‍ ഇസ്രയേല്‍ വ്യോമാക്രമണം; മാധ്യമപ്രവര്‍ത്തകര്‍ കൊല്ലപ്പെട്ടു

‘നല്ലവരായ എല്ലാവരും അതിനെ സ്വാഗതം ചെയ്തു. അതിനിടെ ചിലര്‍ ക്രെഡിറ്റ് സമ്പാദിക്കാന്‍ വേണ്ടി എന്തൊക്കയോ പറഞ്ഞു. നമുക്ക് ആരുടെയും ക്രെഡിറ്റൊന്നും വേണ്ട. അതൊക്കെ അവര് എടുത്തോട്ടെ’എന്നായിരുന്നു നിമിഷപ്രിയയുടെ മോചന വിഷയത്തില്‍ കാന്തപുരത്തിന്റെ പ്രതികരണം. അതേസമയം നിമിഷപ്രിയയുടെ വധശിക്ഷയെന്ന ആവശ്യത്തില്‍നിന്നും പിന്നോട്ടില്ലെന്ന നിലപാടില്‍ ഉറച്ചുനില്‍ക്കുന്നതായും അതില്‍നിന്നും പിന്നോട്ട് പോകില്ലെന്നും ഫത്താഹ് മഹ്ദി വ്യക്തമാക്കിയിരുന്നു.

Join with metro post: വാര്‍ത്തകള്‍ വേഗത്തിലറിയാന്‍ മെട്രോപോസ്റ്റ് വാട്‌സ്ആപ്പ് ഗ്രൂപ്പില്‍ അംഗമാകൂ…