Malayalam 
ദുരന്ത ഭൂമിയായി ഉത്തരാഖണ്ഡ്; ഗര്‍ഭിണികളെ എയര്‍ ലിഫ്റ്റ് ചെയ്ത് സൈന്യം
ഡെറാഡൂണ്‍: മിന്നല്‍ പ്രളയം മൂലം ദുരന്തഭൂമിയായി മാറിയ ഉത്തരാഖണ്ഡിലെ ധരാലി ഗ്രാമത്തില്‍ നിന്ന് രാത്രി തിരച്ചില്‍ പുരനരാരംഭിച്ചു. രണ്ട് ഗര്‍ഭിണികളെ സൈന്യം എയര്‍ ലിഫ്റ്റ് ചെയ്തു. ആശുപത്രിയില്‍ പ്രവേശിപ്പിച്ച ഇവര്‍ക്ക് സഹായം ചെയ്ത് വരികയാണ്.
കനത്ത മഴയ്ക്ക പിന്നാലെ ഇന്നലെ തിരച്ചില്‍ നിര്‍ത്തിവെച്ചിരുന്നു. കാലാവസ്ഥാ അനുകൂലമായതിനാല്‍ തിരച്ചില്‍ പുരനരാരംഭിച്ചിട്ടുണ്ട്. ഹര്‍സില്‍, ധരാലി എന്നീ ദുരിതബാധിത പ്രദേശങ്ങളില്‍നിന്നുള്ള താമസക്കാരെ മാറ്റ്ലിയിലേക്കു വിമാനത്തില്‍ കൊണ്ടുപോയി ഒഴിപ്പിക്കല്‍ ശ്രമങ്ങളും തുടര്‍ന്നു. ഈ പ്രദേശങ്ങളിലേക്കു വായുമാര്‍ഗം ദുരിതാശ്വാസ, മെഡിക്കല്‍ സാമഗ്രികള്‍ തുടര്‍ച്ചയായി എത്തിക്കുന്നുണ്ട്.
Join with metro post: വാര്‍ത്തകള്‍ വേഗത്തിലറിയാന്‍ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ…
ഓഗസ്റ്റ് 15 വരെ സംസ്ഥാനത്ത് ശക്തമായ മഴ തുടരുമെന്നാണു കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇതേത്തുടര്‍ന്നു മണ്ണിടിച്ചില്‍ സാധ്യതയുള്ള മേഖലകളില്‍ മുന്നറിയിപ്പ്. ഇതുവരെ ദുരന്തഭൂമിയില്‍നിന്ന് 1,300 ലധികം പേരെയാണു രക്ഷപ്പെടുത്തിയത്.
