Malayalam 
സിപിഐ ജനറല് സെക്രട്ടറിയായി ഡി രാജ തുടരും
ഛണ്ഡീഗഡ്: ഡി രാജ സിപിഐ ജനറല് സെക്രട്ടറിയായി തുടരും. രാജക്ക് മാത്രം പ്രായപരിധിയില് ഇളവ് നല്കുമെന്ന് കേന്ദ്ര സെക്രട്ടറിയേറ്റ് അംഗം ഡോ. കെ നാരായണ അറിയിച്ചു. 75 വയസുള്ള മറ്റ് അംഗങ്ങള് വിരമിക്കും. പ്രായപരിധി മുന്നിര്ത്തി ഡോ. കെ നാരായണ, പല്ലഭ് സെന് ഗുപ്ത, സയ്യിദ് അസീസ് പാഷ, നാഗേന്ദ്രനാഥ് ഓജ എന്നിവരെ ഒഴിവാക്കും. ദേശീയ എക്സിക്യൂട്ടീവില് പ്രായപരിധിയെ ചൂണ്ടികാണിച്ച് തര്ക്കമുണ്ടായിരുന്നു.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
75 വയസ്സ് കഴിഞ്ഞ എല്ലാവരും വിരമിക്കണമെന്നായിരുന്നു നിര്ദേശം. എന്നാല് യോഗത്തില് ജനറല് സെക്രട്ടറി രാജ വികാരധീനനായി പാര്ട്ടിക്കായി ജീവിതം മാറ്റിവെച്ച ആളാണ് താനെന്ന് രാജ പറഞ്ഞതോടെയാണ് പ്രയാപരിധിയില് അളവ് നല്കാന് തീരുമാനമായത്. പക്ഷേ 75 വയസ്സ് പൂര്ത്തിയായ മറ്റ് നേതാക്കള് നിര്ബന്ധമായി വിരമിക്കണമെന്ന് കേരള ഘടകം നിലപാടെടുത്തു. മൂന്നര മണിക്കൂറ് നീണ്ട ചര്ച്ചയ്ക്കൊടുവിലാണ് രാജയ്ക്ക് പ്രായപരിധിയില് ഇളവ് നല്കാന് തീരുമാനമായത്.
