Malayalam 
സഭയില് വാച്ച് ആന്ഡ് വാര്ഡുമാരെ മര്ദ്ദിച്ചതിന് മൂന്ന് എംഎല്എമാര്ക്ക് സസ്പെന്ഷന്
തിരുവനന്തപുരം: നിയമസഭയിലെ പ്രതിപക്ഷത്തിന്റെ പ്രതിഷേധത്തിന് കടുത്ത നടപടിയുമായി സ്പീക്കര്. വാച്ച് ആന്ഡ് വാര്ഡിനെ മര്ദിച്ചെന്ന് ചൂണ്ടിക്കാട്ടി മൂന്ന് പ്രതിപക്ഷ എംഎല്എമാരെ സസ്പെന്ഡ് ചെയ്തു. അങ്കമാലി എംഎല്എ റോജി എം. ജോണ്, ചാലക്കുടി എംഎല്എ സനീഷ് കുമാര് ജോസഫ്, കോവളം എംഎല്എ എം. വിന്സന്റ് എന്നിവരെയാണ് സസ്പെന്ഡ് ചെയ്തതായി സ്പീക്കര് അറിയിച്ചത്. വാച്ച് ആന്ഡ് വാര്ഡിനെ മര്ദിച്ചെന്ന് ആരോപണത്തിലാണ് സസ്പെന്ഷന്.
Join with metro post: വാര്ത്തകള് വേഗത്തിലറിയാന് മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ…
എംഎല്എമാരെ സസ്പെന്ഡ് ചെയ്യണമെന്നാവശ്യപ്പെട്ട് പാര്ലമെന്ററികാര്യ വകുപ്പ് മന്ത്രി എം.ബി. രാജേഷ് പ്രമേയം അവതരിപ്പിച്ചു. ഇതേത്തുടര്ന്നാണ് മൂന്ന് എംഎല്എമാരെ സസ്പെന്ഡ് ചെയ്തതായി സ്പീക്കര് അറിയിച്ചത്. ശബരിമല സ്വര്ണപ്പാളി വിഷയവുമായി ബന്ധപ്പെട്ട് തുടര്ച്ചയായ നാല് ദിവസമായി സഭയില് പ്രതിപക്ഷം പ്രതിഷേധവുമായി നിലയുറപപ്ിച്ചിരിക്കുകയാണ്.
