Malayalam 
കെ എസ് യു നിയമസഭാ മാര്ച്ചില് ലാത്തിയും ജലപീരങ്കിയും പ്രയോഗിച്ച് പൊലീസ്; അലോഷ്യസ് സേവ്യറിന് പരിക്ക്
തിരുവനന്തപുരം: പ്ലസ് വണ് സീറ്റ് പ്രതിസന്ധിയില് കെ എസ് യു നടത്തിയ നിയമസഭാ മാര്ച്ചില് വന് സംഘര്ഷം. ജലപീരങ്കി പ്രയോഗിച്ച പോലീസ് പ്രവര്ത്തകരെ തുരത്തിയോടിക്കുകയും ലാത്തിച്ചാര്ജ് നടത്തുകയും ചെയ്തു.
Also Read ; ഹഥ്റാസ് ദുരന്തം; ഉദ്യോഗസ്ഥര്ക്ക് സസ്പെന്ഷന്
ബാരിക്കേഡ് ചാടിക്കടക്കാന് പ്രവര്ത്തകര് ശ്രമിച്ചതിനെ തുടര്ന്നാണ് പോലീസുകാര് ജലപീരങ്കി പ്രയോഗിച്ചത്. പോലീസിന് നേരെ കല്ലേറും ആക്രമണവും ഉണ്ടായപ്പോഴും ശാന്തത പാലിച്ചിരുന്ന പോലീസ് സംഘര്ഷം അതിരുകടന്നതോടെയാണ് ലാത്തിച്ചാര്ജ് പ്രയോഗിച്ചത്. ഇതോടെ പ്രവര്ത്തകര് നഗരമധ്യത്തിലേക്ക് നീങ്ങുകയും പാളയം ഭാഗത്തേക്ക് സംഘര്ഷം വ്യാപിക്കുകയും ചെയ്തു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
ലാത്തിച്ചാര്ജില് കെ എസ് യു സംസ്ഥാന പ്രസിഡന്റ് അലോഷ്യസ് സേവ്യറിന്റെ തലയ്ക്ക് സാരമായ പരിക്കുണ്ടെന്നാണ് വിവരം. ലാത്തിചാര്ജിനിടെ പ്രവര്ത്തകര് ഓടിരക്ഷപ്പെട്ടപ്പോള് അലോഷ്യസ് സേവ്യറിന് രക്ഷപ്പെടാന് സാധിച്ചിരുന്നില്ല. കൂടുതല് കെ എസ് യു പ്രവര്ത്തകര് സ്ഥലത്തെത്തി പൊലീസുമായി വാക്കേറ്റമുണ്ടായി. സംഘര്ഷത്തില് പരിക്കേറ്റ അലോഷ്യസിനെ ആശുപത്രിയിലാക്കുകയും ചെയ്തു.
