Malayalam 
തൃഷക്കെതിരെ മാനനഷ്ടക്കേസുമായി മന്സൂര് അലിഖാന് ഹൈക്കോടതിയില്
ചെന്നൈ: നടി തൃഷയ്ക്കെതിരെ അശ്ലീല പരാമര്ശം നടത്തി കേസില് കുടുങ്ങിയ നടന് മന്സൂര് അലി ഖാന് മാനനഷ്ടക്കേസുമായി ഹൈക്കോടതിയില്. നഷ്ടപരിഹാരമായി ഒരു കോടിരൂപ വീതം തൃഷ, ഖുഷ്ബു, ചിരഞ്ജീവി എന്നിവര് നല്കണമെന്ന് ആവശ്യപ്പെട്ടാണ് മന്സൂര് അലി ഖാന് കേസ് ഫയല് ചെയ്തിരിക്കുന്നത്. ‘താന് തമാശരൂപേണ പറഞ്ഞ കാര്യങ്ങള് എഡിറ്റ് ചെയ്ത് പ്രചരിപ്പിച്ചെന്നും വിഡിയോ മുഴുവന് കാണാതെയാണ് അപകീര്ത്തികരമായ പരാമര്ശങ്ങള് നടത്തിയെന്നുമാണ്’ ഹര്ജിയിലെ ആരോപണം.
Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
അടുത്തിടെ പുറത്തിറങ്ങിയ ‘ലിയോ’ സിനിമയുമായി ബന്ധപ്പെട്ട അഭിമുഖത്തിനിടെയാണ് മന്സൂര് അലിഖാന് നടത്തിയ പരാമര്ശം വിവാദമായത്. സംഭവത്തില് സ്വമേധയാ ഇടപെട്ട ദേശീയ വനിതാ കമ്മിഷന്റെ നിര്ദേശപ്രകാരം പോലീസ് കേസെടുത്തിരുന്നെങ്കിലും കേസുമായി മുന്നോട്ടു പോകാന് താല്പര്യമില്ലെന്ന് തൃഷ അറിയിച്ചതോടെ പോലീസ് നടപടികള് അവസാനിപ്പിച്ചിരുന്നു. ഈ വിഷയത്തില് മന്സൂര് അലി ഖാന് കഴിഞ്ഞ ദിവസം മാപ്പ് പറഞ്ഞിരുന്നു. ഇതോടെ വിഷയം അവസാനിച്ചെന്നു കരുതിയിരിക്കെയാണ് പുതിയ നീക്കവുമായി മന്സൂര് രംഗത്തെത്തിയത്.
Also Read; കാനത്തിന്റെ സ്ംസ്കാരം ഇന്ന്, വിടചൊല്ലി രാഷ്ട്രീയ കേരളം
