Malayalam 
കൊവിഡ് വകഭേദം ജെഎന്.1 കേരളത്തില്
തിരുവനന്തപുരം: കേരളത്തില് കൊവിഡിന്റെ പുതിയ ഉപവകഭേദമായ ‘ജെഎന്.1’ സ്ഥിരീകരിച്ചതായി കേന്ദ്രം. ഇന്ത്യന് കൗണ്സില് ഓഫ് മെഡിക്കല് റിസര്ച്ചാണ് സംസ്ഥാനത്ത് കൊവിഡിന്റെ പുതിയ വകഭേദം കണ്ടെത്തിയതായി വ്യക്തമാക്കിത്. ആര്ടിപിസിആര് പരിശോധനയില് 79 വയസ്സുള്ള തിരുവനന്തപുരം സ്വദേശിക്കാണ് കൊവിഡിന്റെ പുതിയ വകഭേദമെന്ന് ഐസിഎംആര് ഡയറക്ടര് ജനറല് ഡോ രാജീവ് ബഹല് അറിയിച്ചു.
Also Read; നവകേരള സദസ്സിനെ പ്രവർത്തകർ സംരംക്ഷിക്കേണ്ടതില്ല : എം.വി ഗോവിന്ദൻ
‘ജെഎന്.1’ സ്ഥിരീകരിച്ചെങ്കിലും തിരുവനന്തപുരം സ്വദേശിയുടെ ആരോഗ്യനില തൃപ്തികരമാണ്. ഐസിഎംആറിന് കീഴിലുള്ള ലാബുകളുടെ കണ്സോര്ഷ്യമായ ‘ഇന്സകോഗ്’ കൊവിഡ് പോസിറ്റീവ് സാമ്പിളുകളില് നടത്തിയ പരിശോധനയിലാണ് കേരളത്തില് ജെഎന്1 സ്ഥിരീകരിച്ചത്. സിംഗപ്പൂരില് നിന്നെത്തിയ തമിഴ്നാട് സ്വദേശിക്ക് നേരത്തെ ജെഎന്1 കണ്ടെത്തിയിരുന്നു.
