Malayalam 
നരഭോജി കടുവ കൂട്ടില്‍
നരഭോജി കടുവ കൂട്ടിലകപ്പെട്ടു. പത്ത് ദിവസത്തെ തിരച്ചിലിനു ശേഷം കാപ്പിത്തോട്ടത്തില്‍ സ്ഥാപിച്ച കെണിയിലാണ് കടുവ കൂട്ടിലായിരിക്കുന്നത്.ഇന്ന് ഒന്നരയോടെ വയനാട്ടിലെ കോളനിക്കവലയില്‍ നിന്ന് 250 മീറ്റര്‍ മാറി സ്ഥാപിച്ച കൂട്ടിലാണ് കടുവ വീണത്. ക്ഷീരകര്‍ഷകനെ കൊലപ്പെടുത്തി ഇന്നെക്ക് പത്താംദിവസമാണ് കടുവ കൂട്ടിലാകുന്നത്. അതേസമയം കടുവയെ കൊല ചെയ്യണമെന്ന ആവശ്യമുയര്‍ത്തി നാട്ടുകാര്‍ വനംവകപ്പിനെതിരെ പ്രതിഷേധ മുദ്രാവാക്യങ്ങള്‍ ഉയര്‍ത്തുകയാണ്.
Also Read; തമിഴ്‌നാട്ടിൽ കനത്ത മഴ തുടരുന്ന സാഹചര്യത്തിൽ മുല്ലപ്പെരിയാർ ഡാം നാളെ തുറക്കും
കടുവയെ കുടുക്കിയ കൂട് വാഹനത്തിലേക്ക് വനംവകുപ്പ് മാറ്റിയിട്ടുണ്ട്. കടുവയെ കൊണ്ടുപോയി കാട്ടില്‍ തുറന്നുവിടാന്‍ അനുവദിക്കില്ലെന്നതിനാല്‍ പ്രദേശത്ത് വന്‍സംഘര്‍ഷം ഉടലെടുത്തിരിക്കുകയാണ്. കടുവയെ വെടിവെച്ച് കൊലപ്പെടുത്തണമെന്ന ആവശ്യമാണ് പ്രദേശവാസികള്‍ ഉയര്‍ത്തുന്നത്.
