Malayalam 
ദീര്‍ഘകാലമായി ഉയര്‍ന്ന കൊളസ്‌ട്രോള്‍; വേദിയില്‍ സംസാരിക്കുന്നതിനിടെ ഐ ഐ ടി പ്രഫസര്‍ കുഴഞ്ഞു വീണു മരിച്ചു
കാണ്‍പുര്‍: വേദിയില്‍ പ്രസംഗിച്ചു കൊണ്ടിരിക്കെ കാണ്‍പൂര്‍ ഐ ഐ ടി പ്രഫസര്‍ കുഴഞ്ഞുവീണു മരിച്ചു. ഹൃദയാഘാതമാണ് കാരണം. മെക്കാനിക്കല്‍ എന്‍ജിനീയറിംഗ് വകുപ്പ് മേധാവി സമീര്‍ ഖണ്ഡേക്കര്‍ (54) ആണ് മരിച്ചത്. അലുംനി മീറ്റിനിടെ സംസാരിച്ചു കൊണ്ടിരിക്കെ കുഴഞ്ഞു വീണ ഇദ്ദേഹത്തെ ഉടന്‍ ആശുപത്രിയില്‍ പ്രവേശിപ്പിച്ചെങ്കിലും മരണം സ്ഥിരീകരിക്കുകയായിരുന്നു. ഉയര്‍ന്ന കൊളസ്‌ട്രോളിന് ചികിത്സയിലായിരുന്നു സമീര്‍ ഖണ്ഡേക്കര്‍. മൃതദേഹം കാണ്‍പൂര്‍ ഐ ഐ ടി ഹെല്‍ത്ത് സെന്ററില്‍ സൂക്ഷിച്ചിരിക്കുകയാണ്. ഏകമകനായ കേംബ്രിഡ്ജ് യൂണിവേഴ്‌സിറ്റിയില്‍ പഠിക്കുന്ന പ്രവാഹ് ഖണ്ഡേക്കര്‍ എത്തിയാലുടന്‍ സംസ്‌കാരം നടക്കും.
Also Read; അഹമ്മദ് ദേവര്‍കോവിലും ആന്റണി രാജുവും മന്ത്രിസ്ഥാനം രാജിവെച്ചു
