Malayalam 
സംസ്ഥാനത്ത് മണല് വാരല് ഉടന് തുടങ്ങും മന്ത്രി കെ രാജന്
സംസ്ഥാനത്ത് മണല് വാരല് ഉടന് പുനരാരംഭിക്കുമെന്ന് റവന്യു മന്ത്രി കെ രാജന്. 32 നദികളില് സാന്ഡ് ഓഡിറ്റിങ് നടത്തുകയും 8 ജില്ലകളില് ഖനന സ്ഥലങ്ങള് കണ്ടെത്തുകയും ചെയ്തു. ആദ്യ അനുമതി മലപ്പുറത്ത്. കടലുണ്ടി ചാലിയാര് പുഴകളില് മാര്ച്ച് അവസാനത്തോടെ ഖനനം നടത്തുമെന്നും മന്ത്രി കെ രാജന് വ്യക്തമാക്കി.
Also Read ; ഉയര്ന്ന ചൂട്; പൊങ്കാലയിടുന്നവര് ഇക്കാര്യങ്ങള് ശ്രദ്ധിക്കുക
8 ജില്ലകളില് ഒന്നേമുക്കാല് കോടിയോളം മെട്രിക് ടണ് മണല് ഇവിടങ്ങളില് നിന്ന് ഖനനം ചെയ്യാമെന്നാണ് സാന്ഡ് ഓഡിറ്റിംഗില് കണ്ടെത്തിയിരിക്കുന്നത്. 32 നദികളില് നടത്തിയ ഓഡിറ്റിംഗില് കൊല്ലം, തൃശൂര്, മലപ്പുറം, പാലക്കാട്, കണ്ണൂര്, കാസര്കോട്, പത്തനംതിട്ട, എറണാകുളം ജില്ലകളിലാണ് മണല് ഖനന സാദ്ധ്യതയുള്ള നദികള്.
ഇതില് മലപ്പുറം ജില്ലയിലെ ഭാരതപ്പുഴ, കടലുണ്ടി, ചാലിയാര് നദികളില് മാര്ച്ചില് മണല് വാരല് തുടങ്ങും.200 കോടിയാണ് പ്രതീക്ഷിക്കുന്ന വരുമാനം.കോഴിക്കോട്, ഇടുക്കി, കോട്ടയം ജില്ലകളിലെ നദികളില് മണല്വാരലിന് സാദ്ധ്യതയില്ലെന്നും അറിയിച്ചു. ജില്ലാസമിതിക്ക് കീഴില് ഓരോ നദികളുമായും ബന്ധപ്പെട്ട് തദ്ദേശ സ്ഥാപന അദ്ധ്യക്ഷന് ചെയര്മാനായുള്ള കടവ് കമ്മിറ്റികള്ക്കാണ് മണല്വാരി ലേലം ചെയ്യാനുള്ള ചുമതല.നദികളുടെ സംരക്ഷണത്തിനൊപ്പം സംസ്ഥാനത്ത് മണല് ക്ഷാമത്തിനും ഒരു പരിധിവരെ പരിഹാരമാകും.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
