Malayalam 
വി എസ് നിര്ത്തിയിടത്ത് നിന്ന് തുടങ്ങുകയാണ്; ആലപ്പുഴയില് മത്സരിക്കുമെന്ന് പ്രഖ്യാപിച്ച് കെ എം ഷാജഹാന്
ആലപ്പുഴ: വരാനിരിക്കുന്ന ലോക്സഭാ തിരഞ്ഞെടുപ്പില് ആലപ്പുഴ മണ്ഡലത്തില് മത്സരിക്കുമെന്ന് കെഎം ഷാജഹാന്. മുന് മുഖ്യമന്ത്രി വിഎസ് അച്യുതാനന്ദന്റെ അഡീഷണല് പ്രൈവറ്റ് സെക്രട്ടറിയായിരുന്ന കെഎം ഷാജഹാന് സമൂഹമാധ്യമങ്ങളിലൂടെയാണ് ലോക്സഭാ തിരഞ്ഞെടുപ്പില് മത്സരിക്കുന്ന കാര്യം പ്രഖ്യാപിച്ചത്. സിപിഎമ്മിനെതിരെയും, മുഖ്യമന്ത്രി പിണറായി വിജയനെതിരെയും നിരന്തരം വിമര്ശിക്കുന്നവരില് പ്രധാനിയാണ് കെഎം ഷാജഹാന്.
Read Also ;രണ്വീര് സിങും ദീപിക പദുകോണും മാതാപിതാക്കളാകാന് പോകുന്നു
വിഎസ് നിര്ത്തിയിടത്ത് നിന്നും ഞാന് തുടങ്ങുകയാണ് എന്ന തലക്കെട്ടില്, വിഎസ് അച്യുതാനന്ദന്റെ ഫോട്ടോയിലേക്ക് നോക്കി നില്ക്കുന്ന സ്വന്തം ചിത്രം സഹിതം എഫ്ബിയില് പോസ്റ്റ് ചെയ്ത് കൊണ്ടാണ് ഷാജഹാന് സ്ഥാനാര്ത്ഥിത്വം പ്രഖ്യാപിച്ചത്. ആലപ്പുഴയില് സിറ്റിങ് എംപി എഎം ആരിഫിനെയാണ് സിപിഎം സ്ഥാനാര്ത്ഥിയായി നിശ്ചയിച്ചത്.
നേരത്തെ ലാവ്ലിന് കേസില് ഉള്പ്പെടെ പിണറായി വിജയനെതിരെ ഗുരുതര ആരോപണങ്ങള് ഉന്നയിച്ച വ്യക്തിയാണ് കെഎം ഷാജഹാന്.
Join with metro post :വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
