Malayalam 
നിമിഷങ്ങള്‍ക്കുള്ളില്‍ വോട്ടര്‍ പട്ടികയില്‍ പേര് ചേര്‍ക്കാം മൊബൈല്‍ ആപ്പിലൂടെ
ഇനി വോട്ടര്‍ പട്ടികയില്‍ പേര് ചേര്‍ക്കാം മിനിറ്റുകള്‍ കൊണ്ട്. ഇതിനായി കേന്ദ്ര തെരഞ്ഞെടുപ്പ് കമ്മീഷന് പുറത്തിറക്കിയ വോട്ടര്‍ ഹെല്‍പ്പ് ലൈന് ആപ്പ് ഉപയോഗിക്കാം. നാമനിര്‍ദേശ പത്രിക സമര്‍പ്പിക്കുന്നതിന്റെ അവസാന ദിവസത്തിന് ഒരാഴ്ച മുന്‍പ് വരെ പേര് ചേര്‍ക്കാനായി സാധിക്കും. 2024 ജനുവരിയില്‍ 18 വയസായവര്‍ക്ക്് ആപ്പിലൂടെ പേര് ചേര്‍ക്കാന്‍ അപേക്ഷിക്കാം.
ആപ്പ് ഉപയോഗിക്കേണ്ടതെങ്ങനെ
ആപ്പ് ഡൗണ്‍ലോഡ് ചെയ്ത് ഫോണ്‍ നമ്പര്‍ നല്‍കുമ്പോള്‍ ഒരു ഒടിപി വരും.
ഇത് സ്വീകരിച്ച് പാസ്വേഡ് ഉണ്ടാക്കാം. തുടര്‍ന്ന് രജിസ്‌ട്രേഷനിലേക്ക് കടക്കും മുന്‍പ് തന്നെ വോട്ടറുടെ പേരും വിലാസവും ജനന തീയതിയും തെളിയിക്കുന്ന രേഖകള്‍ അപ്ലോഡ് ചെയ്യുക. കൂടാതെ പാസ്‌പോര്‍ട്ട് സൈസിലുള്ള ഫോട്ടോയും അപ്ലോഡ് ചെയ്യണം. കുടുംബത്തിലെ ഒരാളുടെ വോട്ടര്‍ ഐഡി നമ്പരും ആവശ്യമാണ്.
Also Read; സര്‍വകലാശാല കലോത്സവ കോഴ കേസ്: തന്റെ മകനെ കുടുക്കിയതാണെന്ന് ഷാജിയുടെ മാതാവ്
ജനന തീയതിക്ക് സ്‌കൂള്‍ സര്‍ട്ടിഫിക്കറ്റോ പാസ്‌പോര്‍ട്ടോ ഉപയോഗിക്കാവുന്നതാണ്. വിലാസം നല്‍കാനായി ആധാര്‍ കാര്‍ഡോ ഫോണ്‍ ബില്ലോ പാചക വാതക ബില്ലോ ഉപയോഗിക്കാം. ആപ്പില്‍ ചോദിച്ചിട്ടുള്ള രേഖകളെല്ലാം അപ്ലോഡ് ചെയ്ത് സബ്മിറ്റ് ചെയ്യുമ്പോള്‍ ഒരു റഫറന്‍സ് ഐ ഡി കൂടി ലഭിക്കും. ഓണ്‍ലൈനായി നല്‍കുന്ന അപേക്ഷയിലെ വിവരങ്ങള്‍ പ്രദേശത്തുള്ള ബി എല്‍ ഒയ്ക്ക് കൈമാറുന്നതാണ്. ബി എല്‍ ഒ വീട്ടിലെത്തി വിവരങ്ങള്‍ പരിശോധിക്കുന്നതോടെ വോട്ടര്‍ പട്ടികയില്‍ ഇടംനേടാനാകും.
