Malayalam 
കലാമണ്ഡലം സത്യഭാമയുടെ വിവാദ പരാമര്ശത്തിനെതിരെ സ്വമേധയാ കേസെടുത്ത് മനുഷ്യാവകാശ കമ്മീഷന്
തൃശ്ശൂര്: കലാമണ്ഡലം സത്യഭാമയുടെ നര്ത്തകന് ആര്എല്വി രാമകൃഷ്ണനെതിരായ വിവാദ പരാമര്ശത്തിനെതിരെ മനുഷ്യാവകാശ കമ്മീഷന് സ്വമേധയാ കേസെടുത്തു. കറുത്ത നിറമുള്ളവര് നൃത്തം ചെയ്യരുതെന്ന് പറഞ്ഞ പരാമര്ശത്തിനെതിരെയാണ് കേസെടുത്തത്. പരാമര്ശം പരിശോധിച്ച് 15 ദിവസത്തിനകം തൃശ്ശൂര് ജില്ലാ പൊലീസ് മേധാവിയും സാംസ്കാരിക വകുപ്പ് ഗവണ്മെന്റ് സെക്രട്ടറിയും റിപ്പോര്ട്ട് സമര്പ്പിക്കണമെന്ന് കമ്മീഷന് അംഗം വി കെ ബീനാ കുമാരി ആവശ്യപ്പെട്ടു. മാധ്യമ വാര്ത്തയുടെ അടിസ്ഥാനത്തില് സ്വമേധയാ രജിസ്റ്റര് ചെയ്ത കേസിലാണ് നടപടി. മനുഷ്യാവകാശ പ്രവര്ത്തകനായ ഗിന്നസ് മാട സാമിയും ഇതേ വിഷയത്തില് പരാതി നല്കിയിരുന്നു.
Also Read ; രാമകൃഷ്ണനെ കുടുംബക്ഷേത്രത്തിലെ ഉത്സവത്തിനു ഞാന് ക്ഷണിക്കും, വിവാദത്തില് കക്ഷിചേരാനില്ല: സുരേഷ് ഗോപി
‘മോഹിനിയായിരിക്കണം എപ്പോഴും മോഹിനിയാട്ടം കളിക്കേണ്ടത്. ഇയാളെ കണ്ട് കഴിഞ്ഞാല് കാക്കയുടെ നിറം. എല്ലാം കൊണ്ടും കാല് ഇങ്ങനെ അകത്തി വെച്ച് കളിക്കുന്ന കലാരൂപമാണ് മോഹിനിയാട്ടം. ഒരു പുരുഷന് ഇങ്ങനെ കാല് കവച്ചുവെച്ച് മോഹിനിയാട്ടം കളിക്കുകയെന്ന് പറഞ്ഞാല് ഇതുപോലെയൊരു അരോജകത്വം വെറെയില്ല. എന്റെ അഭിപ്രായത്തില് ആണ്പിള്ളേര് മോഹിനിയാട്ടം കളിക്കുകയാണെങ്കില് തന്നെ അവര്ക്ക് അതുപോലെ സൗന്ദര്യം വേണം. ആണ് പിള്ളേരില് നല്ല സൗന്ദര്യം ഉള്ളവര് ഇല്ലേ? ഇവനെ കണ്ടാല് ദൈവം പോലും, പെറ്റ തള്ള പോലും സഹിക്കില്ല’- ഇതായിരുന്നു കലാമണ്ഡലം സത്യഭാമയുടെ വിവാദ പ്രസ്താവന.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
