തിരുവനന്തപുരം: ഗതാഗത വകുപ്പ് മന്ത്രി കെ ബി ഗണേഷ് കുമാറിനെതിരെ സെക്രട്ടറിയേറ്റിനു മുന്നില്‍ സമരമാരംഭിച്ച് സിഐടിയു. ഡ്രൈവിങ് സ്‌കൂളുകാരോട് മന്ത്രി ശത്രുതയോടെ പെരുമാറുന്നുവെന്നും ഇത്തരം ഡ്രൈവിങ് സ്‌കൂള്‍ പരിഷ്‌കാരങ്ങള്‍ അനുവദിക്കാനാവില്ലെന്നും സിഐടിയു പറഞ്ഞു. ഇടതു മന്ത്രിസഭയിലെ അംഗമാണെന്ന് ഗണേഷ് കുമാര്‍ ഓര്‍മിക്കണമെന്ന് മുന്‍ എംഎല്‍എയും എകെഡിഎസ്ഡബ്ല്യു പ്രസിഡന്റുമായ കെ കെ ദിവാകരന്‍ പറഞ്ഞു.

Join with metro post: വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..

‘ഡ്രൈവിങ് സ്‌കൂളുകാരോട് മന്ത്രി ശത്രുതയോടെ പെരുമാറുകയാണ്. എല്‍ഡിഎഫിലെ മന്ത്രിയാണെന്ന കാര്യം ഗണേഷ് ഓര്‍ക്കണം. അതൊന്ന് ഓര്‍മിപ്പിക്കുകയാണ്. മന്ത്രിയെ നിയന്ത്രിക്കണം. തൊഴിലാളികള്‍ വിചാരിച്ചാല്‍ അത് നടക്കും. ഫെബ്രുവരി 21-ലെ സര്‍ക്കുലര്‍ പിന്‍വലിക്കണം. മന്ത്രിയുടെ വീട്ടിലേക്ക് മാര്‍ച്ച് ചെയ്യുമെന്നും ആവശ്യമെങ്കില്‍ മന്ത്രിയെ വഴിയില്‍ തടയുമെന്നും’ അദ്ദേഹം കൂട്ടിച്ചേര്‍ത്തു.

Also Read; സിഎംആര്‍എല്‍ മാസപ്പടി; മാത്യു കുഴല്‍നാടന്‍ നല്‍കിയ ഹര്‍ജി ഇന്ന് പരിഗണിക്കും