തൃശൂര് പൂരം; സാമ്പിള് വെടിക്കെട്ട് നാളെ
![](https://metropostkerala.com/wp-content/uploads/2024/04/tpooramsample-991x564.jpg)
തൃശൂര്: പൂരങ്ങളുടെ പൂരമായ തൃശൂര് പൂരത്തിന്റെ ഭാഗമായുള്ള സാമ്പിള് വെടിക്കെട്ട് നാളെ. ബുധനാഴ്ച രാത്രി 7.30ന് തിരുവമ്പാടി വിഭാഗം വെടിക്കെട്ടിന് ആദ്യം തിരി കൊളുത്തും. തുടര്ന്ന് പാറമേക്കാവും.
Also Read ; മൈസൂരുവില് വാഹനാപകടത്തില് മലയാളി വിദ്യാര്ഥിനിയുള്പ്പെടെ മൂന്ന് മരണം
തൃശൂര് പൂരത്തിന്റെ വെടിക്കെട്ടിന് ഇത്തവണ തിരുവമ്പാടി, പാറമേക്കാവ് വിഭാഗങ്ങളെ നയിക്കുക ഒരാളാണ്. മുണ്ടത്തിക്കോട് സ്വദേശി പി എം സതീശാണ് ഇരുവിഭാഗത്തിന്റെയും വെടിക്കെട്ട് ചുമതല. കഴിഞ്ഞ തവണ തിരുവമ്പാടി വിഭാഗത്തിന്റെ വെടിക്കെട്ട് ചുമതല ഇദ്ദേഹത്തിനായിരുന്നു. നഗരം കനത്ത പൊലീസ് സുരക്ഷാവലയത്തിലാണ്. സ്വരാജ് റൗണ്ടിന്റെ വിവിധ ഭാഗങ്ങളില് പെസോയും പൊലീസും അനുവദിച്ച സ്ഥലങ്ങളില്നിന്ന് വെടിക്കെട്ട് കാണാം. നൂറ്റാണ്ടുകള് പിന്നിട്ട ചരിത്രത്തില് ആദ്യമായാണ് രണ്ടുവിഭാഗങ്ങളുടെ വെടിക്കെട്ട് ചുമതല ഒരാളിലേക്കെത്തുന്നത്.
ബഹുവര്ണ അമിട്ടുകള്, ഗുണ്ട്, കുഴിമിന്നി, ഓലപ്പടക്കം തുടങ്ങിയവ വെടിക്കെട്ടിന് വര്ണശോഭ നല്കും. 20ന് പുലര്ച്ചെ മൂന്നിനാണ് പ്രധാന വെടിക്കെട്ട്. പകല്പ്പൂരത്തിന് ഉപചാരം ചൊല്ലിപ്പിരിഞ്ഞ ശേഷവും വെടിക്കെട്ടുണ്ടാകും.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം