Malayalam 
ബലാത്സംഗക്കേസ് പ്രതിയായ പൊലീസ് ഉദ്യോഗസ്ഥന് എറണാകുളത്ത് മരിച്ച നിലയില്
കൊച്ചി: ബലാത്സംഗക്കേസ് പ്രതിയായ പൊലീസ് ഉദ്യോഗസ്ഥന് മരിച്ച നിലയില്. തിരുവനന്തപുരം നെടുമങ്ങാട് സ്വദേശി എ വി സൈജുവിനെയാണ് എറണാകുളത്ത് മരിച്ച നിലയില് കണ്ടെത്തിയത്. അംബ്ദേകര് സ്റ്റേഡിയത്തിന് സമീപം തൂങ്ങിമരിച്ച നിലയില് കണ്ടെത്തുകയായിരുന്നു.
Also Read ; തൃശ്ശൂര് പൂരം പ്രതിസന്ധിയില്; പൂരത്തിന് ആനയെ വിടില്ലെന്ന് എലഫന്റ് ഓണേഴ്സ് അസോസിയേഷന്.
വനിതാ ഡോക്ടറെ പീഡിപ്പിച്ചെന്ന കേസിലെ പ്രതിയാണ് എ വി സൈജു. തിരുവനന്തപുരം മലയിന്കീഴ് സ്റ്റേഷനില് എസ്ഐ ആയിരിക്കുമ്പോഴാണ് കേസില്പ്പെടുന്നത്. വ്യാജരേഖ സമര്പ്പിച്ച് ഇയാള് ജാമ്യം നേടിയത് ഹൈക്കോടതി റദ്ദാക്കിയിരുന്നു. കേസില് ക്രൈംബ്രാഞ്ച് അറസ്റ്റ് ചെയ്യാന് നീക്കം ഊര്ജ്ജിതമാക്കിയതിനിടെയാണ് മരിച്ച നിലയില് കണ്ടെത്തുന്നത്.
2019ല് മലയിന്കീഴ് സ്റ്റേഷനില് തന്നെ എസ്ഐ ആയിരുന്ന സൈജു വീടിന്റെ വാടകയുമായി ബന്ധപ്പെട്ട് പരാതി നല്കാന് എത്തിയ വനിതാ ഡോക്ടറുമായി അടുപ്പത്തിലാകുകയായിരുന്നു. ഇത് മുതലെടുത്ത് പീഡിപ്പിക്കുകയും ലക്ഷങ്ങള് കൈക്കലാക്കുകയും ചെയ്തു എന്നാണ് ഡോക്ടറുടെ പരാതി. വ്യാജരേഖ ചമച്ച് ജാമ്യം നേടിയെന്ന് കണ്ടെത്തിയതിനെ തുടര്ന്ന് സൈജു സസ്പെന്ഷനിലായിരുന്നു.
Join with metro post : വാർത്തകളറിയാൻ Metro Post ന്യൂസ് ഗ്രൂപ്പിൽ Join ചെയ്യാം
