Malayalam 
കണ്ണൂരില് ആള്മാറാട്ടം നടത്തി കള്ളവോട്ട്; പരാതിയുമായി എല്ഡിഎഫ്
കണ്ണൂര്: കണ്ണൂരില് കള്ളവോട്ട് പരാതിയുമായി എല്ഡിഎഫ്. 85 വയസിന് മുകളിലുള്ളവര്ക്ക് വീട്ടിലിരുന്ന് വോട്ടവകാശം വിനിയോഗിക്കുന്നതിന് ഏര്പ്പെടുത്തിയ സംവിധാനത്തിലൂടെ വോട്ട് ചെയ്യുമ്പോള് യുഡിഎഫ് സ്ഥാനാര്ത്ഥിയുടെ നേതൃത്വത്തില് ആസൂത്രിതമായി വ്യാജവോട്ടുകള് ചെയ്തുവെന്നാണ് പരാതി.
70-ാം ബൂത്തിലെ 1420-ാം നമ്പര് പേരുകാരിയായ 86 വയസ്സുള്ള കമലാക്ഷിയുടെ വോട്ട് ഇതേ ബൂത്തിലെ 1148-ാം നമ്പര് വോട്ടറായ വി കമലാക്ഷി എന്നയാള് രേഖപ്പെടുത്തിയെന്നാണ് പരാതി.
യുഡിഎഫ് പ്രവര്ത്തക കൂടിയായ ബൂത്ത് ലെവല് ഓഫീസര് ഗീത രാഷ്ട്രീയതാല്പ്പര്യം വെച്ച് ആള്മാറാട്ടത്തിലൂടെ വ്യാജ വോട്ടറായ വി കമലാക്ഷിയെക്കൊണ്ട് വ്യാജവോട്ട് ചെയ്യിപ്പിച്ചുവെന്നാണ് എല്ഡിഎഫ് ആരോപിക്കുന്നത്. യുഡിഎഫ് അനുഭാവികളായ ബിഎല്ഒമാരെ ഉപയോഗപ്പെടുത്തി ആള്മാറാട്ടത്തിലൂടെ കള്ളവോട്ട് ചെയ്യാനുള്ള യുഡിഎഫ് നീക്കം തെരഞ്ഞെടുപ്പ് അട്ടിമറിയാണെന്നാണ് എല്ഡിഎഫ് മുഖ്യതെരഞ്ഞെടുപ്പ് ഓഫീസര്ക്ക് നല്കിയ പരാതിയില് പറയുന്നത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില് അംഗമാകൂ..
