Malayalam 
മമ്മൂട്ടി -ഗൗതം മേനോന്‍ ചിത്രം ജൂലൈയില്‍ ; ഷൂട്ടിങ്ങ് കൊച്ചിയില്‍, നയന്‍താരയുമല്ല സമാന്തയുമല്ല ചിത്രത്തില്‍ മറ്റൊരു നായിക
തമിഴകത്തെ റൊമാന്റിക് ഹിറ്റ് സംവിധായകന്‍ ഗൗതം വാസുദേവ് മേനോനും മമ്മൂട്ടിയും ഒന്നിക്കുന്നു എന്ന വാര്‍ത്ത പുറത്ത് വന്നിട്ട് കുറച്ചു ദിവസമായി. ഗൗതം വാസുദേവ് മലയാളത്തില്‍ സിനിമ സംവിധാനം ചെയ്യുന്നുവെന്നും ചിത്രത്തില്‍ മമ്മൂട്ടിയായിരിക്കും നായകാനാകുകയെന്നുമാണ് റിപ്പോര്‍ട്ടുകളുണ്ടായിരുന്നത്. എന്നാല്‍ ഇതിന് പിന്നാലെ നിരവധി അഭ്യൂഹങ്ങളാണ് ചിത്രവുമായി ബന്ധപ്പെട്ട് പുറത്ത് വരുന്നത്.
ചിത്രത്തില്‍ നയന്‍താര നായികയാകുമെന്നും അതല്ല, സമാന്തയാണ് മമ്മൂട്ടിയുടെ നായികയാകുന്നത് എന്നതടക്കമുള്ള റിപ്പോര്‍ട്ടുകളുമെത്തി. എന്നാല്‍ ഇവര്‍ രണ്ടുപേരുമല്ല പകരം മറ്റൊരു താരമാണ് നായികയായി എത്തുകയെന്നാണ് ഒടുവില്‍ കിട്ടുന്ന വിവരം. മറ്റൊരു റിപ്പോര്ട്ട് സിനിമയുടെ ചിത്രീകരണം ചെന്നൈയിലായിരിക്കുമെന്നായിരുന്നു. എന്നാല്‍ സിനിമയുടെ ചിത്രീകരണം കൊച്ചിയില്‍ വെച്ചാകും എന്നാണ് സിനിമയോടടുത്ത വൃത്തങ്ങള്‍ പറയുന്നത്.
Join with metropost : വാർത്തകൾ വേഗത്തിലറിയാൻ മെട്രോപോസ്റ്റ് വാട്സ്ആപ്പ് ഗ്രൂപ്പില്‍ അംഗമാകൂ..
ജൂലൈ ഒന്നിന് സിനിമയുടെ ചിത്രീകരണം തുടങ്ങാനും പദ്ധതിയിട്ടിട്ടുണ്ട്. മലയാള സിനിമയുടെ ഭാഗമായിട്ടുണ്ടെങ്കിലും ഗൗതം വാസുദേവിന്റെ മലയാളത്തിലെ സംവിധാന അരങ്ങേറ്റമാണ് ഈ ചിത്രം. മമ്മൂട്ടി കമ്പനിയുടെ ബാനറില്‍ മമ്മൂട്ടി തന്നെയാണ് ചിത്രം നിര്‍മ്മിക്കുക. അതേസമയം മമ്മൂട്ടി നായകനാവുന്ന ബസൂക്കയില്‍ ഗൗതം മേനോന്‍ ഒരു ശ്രദ്ധേയ കഥാപാത്രത്തെ അവതരിപ്പിച്ചിട്ടുണ്ട്.
